Ўзбекистонлик таэквондочи йигитлар тарихий натижа қайд этди

© Спортни ривожлантириш вазирлиги матбуот хизматитаэквондо
таэквондо - Sputnik Ўзбекистон, 1920, 27.06.2022
Oбуна бўлиш
Ўзбекистон терма жамоаси таэквондо WT бўйича Осиё чемпионатида 4 та олтин, 1 та кумуш ва 2 та бронза медалларини вўлга киритиб, умумжамоа ҳисобида биринчи ўринни қўлга киритди.
ТОШКЕНТ, 27 июн — Sputnik. Ўзбекистон терма жамоаси таэквондо WT бўйича Осиё чемпионатида умумжамоа ҳисобида биринчи ўринни қўлга киритди. Бу ҳақда Ўзбекистон Миллий олимпия қўмитаси матбуот хизмати хабар берди.
© Ўзбекистон Миллий олимпия қўмитаси матбуот хизматиШуҳрат Салаев
Шуҳрат Салаев - Sputnik Ўзбекистон, 1920, 27.06.2022
Шуҳрат Салаев
Қайд этилишича, бугун, 27 июнь куни Кореяда таэквондо WT бўйича Осиё чемпионати ўз якунига етган. Мусобақанинг сўнгги кунида -80 кг вазн тоифасида иштирок этган ўзбекистонлик Шуҳрат Салаев қитъа чемпионлигини қўлга киритган.
“Таэквондочимиз финалда Токио-2020 кумуш медаль соҳиби иорданиялик Солиҳ Эл Шарабати билан тўқнаш келди. Биринчи раундда Салаевнинг, иккинчи бўлимда рақибнинг ғалабаси қайд этилди. Ҳал қилувчи раундда Салаев 0:5 ҳисобида ортда бораётганига қарамасдан кучли характер кўрсатиб, 8:7 ҳисобида беллашув тақдирини ўз фойдасига ҳал қила олди. Айниқса, сўнгги 2 сонияда 2 очколик зарба билан ғалабани “илиб” кетгани бутун мусобақанинг энг драматик лаҳзаси бўлди, дейиш мумкин”, дейилади хабарда.
Шу тариқа, Ўзбекистон терма жамоаси мазкур қитъа биринчилигини 4 та олтин, 1 та кумуш ва 2 та бронза медаллари билан якунлаган. Аҳамиятли томони, эркаклар терма жамоаси 4 та олтин медаль билан мусобақа мезбонларини ортда қолдириб, умумжамоа ҳисобида биринчи ўринни эгаллаган.
Қайд этиш жоиз, терма жамоа қитъа биринчиликларида шу пайтгача 4 та олтин медаль қўлга киритмаган эди.
Янгиликлар лентаси
0