Тошкентда 500 дан ортиқ инвестиция лойиҳалари амалга оширилади

© Пресс-служба президента УзбекистанаТошкентда 500 дан ортиқ инвестиция лойиҳалари амалга оширилади
Тошкентда 500 дан ортиқ инвестиция лойиҳалари амалга оширилади - Sputnik Ўзбекистон, 1920, 28.06.2022
Oбуна бўлиш
Пойтахтда ўтган беш ой давомида хизмат кўрсатиш соҳасида 5 минг 500 та лойиҳа доирасида 183 мингта иш ўрни яратилди.
ТОШКЕНТ, 28 июн — Sputnik. Бу йил пойтахтда қарийб 4 миллиард доллар инвестиция ҳисобига 500 дан зиёд лойиҳани амалга ошириш режалаштирилган.
Шавкат Мирзиёев Тошкентда амалга оширилаётган инвестиция лойиҳалари тақдимоти билан танишди.
Қайд этилганидек, бугунги кунга келиб, 4 млрд доллар инвестициянинг 1 миллиард 500 млн доллари ўзлаштирилган. 120 млн долларлик 71 та лойиҳа ишга туширилиб, 5 мингдан ортиқ иш ўрни яратилган.
Умумий миқдори 2 миллиард 300 миллион долларлик яна 450 та лойиҳа бўйича иш олиб борилмоқда.
“Президент биринчи ярим йилликдаги кўрсаткичлар етарли эмаслигини таъкидлаб, кечикаётган лойиҳаларнинг муаммосини ҳал қилиш, инвестициялар жалб этишни кўпайтириш бўйича кўрсатмалар берди”, дейилади хабарда.
Шунингдек, тақдимотда “Янгиҳаёт” индустриал технопаркида олиб борилаётган ишлар ҳам кўриб чиқилди.
Айтилишича, ушбу технопарк учун 210 гектар майдон ажратилган. Бош режа ишлаб чиқилиб, бугунги кунда муҳандислик-коммуникация тармоқларини барпо этиш бошланган.
“Ҳеч қайси давлатда тадбиркорга енгиллик яратмасдан туриб, натижага эришиб бўлмайди. Бу технопарк тадбиркорлар учун қулай майдон бўлиши керак. Импорт ўрнини босадиган, кўпроқ одамларни иш билан таъминлайдиган лойиҳаларга эътибор қаратиш керак”, дейди президент.
Биринчи босқичда технопаркнинг 110 гектар майдони аукционда сотилган. Уларда ошхона жиҳозлари, қандолатчилик ва тўқимачилик маҳсулотлари, сантехника товарлари, полиэтилен ва металл буюмлар ишлаб чиқариш лойиҳалари жойлаштирилган. Умуман, технопаркда ташкил этиладиган корхоналарда 20 минг иш ўрни яратилиши мўлжалланган.
Янгиликлар лентаси
0