Тошкентда Россия таълими кўргазмаси бўлиб ўтади

© РоссотрудничествоПредставительство Россотрудничества в Узбекистане
Представительство Россотрудничества в Узбекистане - Sputnik Ўзбекистон, 1920, 29.06.2022
Oбуна бўлиш
Тадбир сентябрь ойида ўтказилиши режалаштирилган. Унда Россиянинг 50 га яқин университетлари вакиллари иштирок этади.
ТОШКЕНТ, 29 июн — Sputnik. “Россотрудничество” Федерал агентлиги Ўзбекистон учун анъанавий бўлган Россия таълими кўргазмасини ўтказишни режалаштирмоқда.
Бу ҳақда агентлик раҳбари ўринбосари Павел Шевтцов Sputnik Ўзбекистон мухбирига берган интервюсида маълум қилди.
“Кўргазма 21-24 сентябрь кунлари бўлиб ўтади. Ҳозир кўргазма майдони масаласи устида ишлаяпмиз”, дейди Павел Шевтцов.
Унинг сўзларига кўра, Россиянинг 50 га яқин олий ўқув юртлари ўз таълим дастурларини офлайн режимда тақдим этиш учун кўргазмада иштирок этиш ниятида.
Павел Шевтцов “Тажриба шуни кўрсатадики, шахсий мулоқот энг самарали усул ҳисобланади” дея таъкидлаб, бугунги кунда Россия университетлари таълим кўргазмаларида янги тақдимот форматини танлаётганини қўшимча қилди.
Кўргазма ўтказилаётган мамлакатга шу ерда туғилиб ўсган ва айни вақтда Россияда таҳсил олаётган талабалар келади.
“Дейлик, улар қабул комиссияларида ишлайдилар ва Россия Федерациясига ўқишга кетаётганларга қаерда ўқишлари, у ерда ўқув қандай олиб борилиши, ўқув юрти кампуси кўриниши ва таълим дастури қанчалик қизиқарли эканлигини ўзларининг она тилида тушунтиради”, - дейди Шевтцов.
Янгиликлар лентаси
0