Сурия ДХР ва ЛХР мустақиллигини тан олишга қарор қилди

© Sputnik / Андрей Стенин / Медиабанкка ўтишОсвобожденная от боевиков крепость Крак де Шевалье в Сирии
Освобожденная от боевиков крепость Крак де Шевалье в Сирии - Sputnik Ўзбекистон, 1920, 30.06.2022
Oбуна бўлиш
Сурия ҳам Луганск Халқ Республикаси, ҳам Донецк Халқ Республикасининг мустақиллиги ва суверенитетини тан олишга қарор қилди
ТОШКЕНТ, 30 июн — Sputnik. 29 июнь куни Сурия Араб Республикаси Донецк ва Луганск халқ республикалари мустақиллигини тан олишга қарор қилди. Бу ҳақда мамлакат Ташқи ишлар вазирлиги вакилига таяниб, SANA ахборот агентлиги хабар берди.

“Сурия Араб Республикаси ҳам Луганск Халқ Республикаси, ҳам Донецк Халқ Республикасининг мустақиллиги ва суверенитетини тан олишга қарор қилди”, - дейилади хабарда.

Нашрларнинг ёзишича, Сурия томони ҳамкорликни мустаҳкамлаш ва дипломатик алоқалар ўрнатиш бўйича келишувлар юзасидан ҳар икки республика билан боғланган.
Суриянинг ДХРни тан олиш нияти борлиги июнь ойи ўрталарида республика раҳбари Денис Пушилин томонидан маълум қилинган эди. Сурия Президенти Башар аль-Ассад ДХР делегациясининг Дамашққа ташрифи чоғида процедура бошланганини маълум қилди.
21 февраль куни Россия Президенти Владимир Путин ўзини мустақил деб эълон қилган Луганск халқ республикаси (ЛХР) ва Донецк халқ республикасини (ДХР) тан олиш тўғрисидаги фармонни имзолаган эди.
Россия 24 февраль куни Украинада махсус ҳарбий операция бошланганини эълон қилди. Президент Владимир Путин ушбу операциянинг мақсади "саккиз йил давомида Киев режими томонидан таҳқирланган ва геноцидга учраган одамларни ҳимоя қилиш" деб атаган эди.
Бунинг учун Украинани демилитаризация (ҳарбий инфратузилмаларини йўқ қилиш) ва денацификация (миллатчилик ғояларидан тозалаш) қилиш талаб этилади.
Мудофаа вазирлиги баёнотига кўра, Қуролли Кучлар фақат ҳарбий инфратузилма ва Украина қўшинларига зарба бермоқда. 25 мартга келиб улар биринчи босқичнинг асосий вазифаларини бажаришди - Украинанинг жанговар салоҳиятини сезиларли даражада камайтиришди.
Россия Мудофаа вазирлиги энди асосий мақсад - Донбассни озод қилиш эканини таъкидлаган.
Янгиликлар лентаси
0