Халқ артистлари профессорга тенглаштирилади – президент қарори

© Ўзбекистон президенти матбуот хизматиПрезидент
Президент - Sputnik Ўзбекистон, 1920, 01.07.2022
Oбуна бўлиш
“Ўзбекистон Республикаси халқ артиси”, “Ўзбекистон Республикаси халқ шоири” унвонлари профессор илмий унвони даражасига тенглаштирилади.
ТОШКЕНТ, 1 июл — Sputnik. “Ўзбекистон Республикаси халқ артиси” унвони профессор илмий унвони даражасига тенглаштирилади. Бу ҳақда президент Шавкат Мирзиёевнинг тегишли қарорида белгиланган.
Қарорга мувофиқ, профессор ва доцент илмий унвонига эга бўлган шахсларнинг меҳнатига ҳақ тўлаш ва моддий рағбатлантириш шартларига кўра, тенглаштириладиган шахслар эга бўлиши лозим бўлган Ўзбекистон Республикасининг фахрий унвонлари рўйхати эълон қилинди.
Унга кўра, профессор илмий унвони даражасига тенглаштирилаётган Ўзбекистон Республикасининг фахрий унвонлари:
• “Ўзбекистон Республикаси санъат арбоби”;
• “Ўзбекистон Республикаси халқ артиси”;
• “Ўзбекистон Республикаси халқ ёзувчиси”;
• “Ўзбекистон Республикаси халқ шоири”.
Доцент илмий унвони даражасига тенглаштирилаётган Ўзбекистон Республикасининг фахрий унвонлари:
• “Ўзбекистон Республикасида хизмат кўрсатган артист”;
• “Ўзбекистон Республикасида хизмат кўрсатган ёшлар мураббийси";
• “Ўзбекистон Республикасида хизмат кўрсатган журналист”;
• “Ўзбекистон Республикасида хизмат кўрсатган маданият ходими”.
Янгиликлар лентаси
0