Жамият

Жисмоний тарбия ва спорт бўйича малака ошириш институти ташкил этилади

© Sputnik / Владимир АстапковичРоберт Гардош (Австрия) в четвертьфинальном матче по настольному теннису против Александра Шибаева (Россия) на I Европейских играх в Баку.
Роберт Гардош (Австрия) в четвертьфинальном матче по настольному теннису против Александра Шибаева (Россия) на I Европейских играх в Баку. - Sputnik Ўзбекистон, 1920, 05.07.2022
Обуна бўлиш
Yandex newsTelegram
Жисмоний тарбия ва спот бўйича мутахассисларни илмий-методик таъминлаш, қайта тайёрлаш ва малакасини ошириш маркази институтга айлантирилади.
ТОШКЕНТ, 5 июл – Sputnik. Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази Жисмоний тарбия ва спорт бўйича мутахассисларни қайта тайёрлаш ва малакасини ошириш институтига айлантирилади. Бу ҳақда Вазирлар Маҳкамасининг теғишли қарорида белгиланган.
Қарорга мувофиқ, институт қуйидаги соҳалар учун кадрлар тайёрлайди:
мактабгача таълим ташкилотларининг жисмоний тарбия инструкторлари;
умимий ўрта ва ўрта махсус таълим, профессионал таълим муассасаларининг жисмоний тарбия фани ўқитувчилари;
олий таълим муассасаларининг жисмоний тарбия ва спорт йўналишлари бўйича раҳбар ва педагог кадрлари;
олимпия ва паралимпия захиралари коллежлари;
спорт турлари бўйича ихтисослаштирилган давлат мактаб-интернатлари, спорт мактабларининг раҳбар кадрлари, инструктор-методистлари, махсус фан ўқитувчилари, тренерлари, спорт психологлари;
махсус хизмат ходимлари ҳамда спорт ташкилотларининг жисмоний тарбия ва спорт бўйича мутахассисларини қайта тайёрлайди ва малакасини оширади.
Бундан ташқари, муассаса меҳнат бозори эҳтиёжларини ҳисобга олган ҳолда, касбий маълумотга эга бўлмаган спорт таълим муассасалари ходимлари учун қўшимча ихтисослик бўйича пулли асосда қайта тайёрлаш ва малака ошириш курсларини ташкил этади.
Шунингдек, янги институт халқаро алоқаларни кенгайтиради ва мустаҳкамлайди, конференциялар, кўргазмалар ва бошқа тадбирлар ўтказиш орқали жисмоний тарбия ва спорт соҳасида мамлакатимиз ютуқларини халқаро даражада кенг ёритади, хорижий таълим муассасалари билан яқин ҳамкорликни йўлга қўяди.
Янгиликлар лентаси
0