Дунёда

Дубайда дунёдаги энг катта кутубхона очилди

© Ўзбекистон мусулмонлари идораси матбуот хизматиАраб дунёсидаги янги йирик кутубхона очилди
Араб дунёсидаги янги йирик кутубхона очилди - Sputnik Ўзбекистон, 1920, 06.07.2022
Обуна бўлиш
Yandex newsTelegram
Майдони 55000 м2 бўлган янги Муҳаммад бин Рашид кутубхонаси Араб дунёсидаги янги йирик кутубхонага айланди.
ТОШКЕНТ, 6 июл – Sputnik. Дубайда ғайриоддий янги бинонинг тантанали очилиши бўлиб ўтди. Майдони 55000 м2 бўлган янги Муҳаммад бин Рашид кутубхонаси Араб дунёсидаги янги йирик кутубхонага айланди. Бу ҳақда Ўзбекистон мусулмонлари идораси матбуот хизмати хабар берди.
Тўққизта ихтисослашган кутубхонани бирлаштирган муассасада араб ва хорижий тилларда 1,1 миллиондан ортиқ босма ва рақамли китоблар ва 6 миллионга яқин илмий ишлар мавжуд. Шунингдек, кутубхонада 75 000 та видео, 5 000 та тарихий журнал ва 500 та ноёб коллекция бор.
Бино нафақат қисман қуёш энергияси билан ишлайди, балки истеъмол қилишнинг 50 фоизигача чиқиндилар сонини қисқартиришга имкон берадиган сувни қайта ишлаш тизимига эга. Бундан ташқари, кутубхонага кираверишда роботлар ходимларни алмаштиради, меҳмонларни севимли китобларига йўналтиради. Бино турли хил мавзули хоналарга бўлинган ва кўплаб ўз-ўзига хизмат кўрсатиш киоскалари билан жиҳозланган.
Islam.ru хабарига кўра, 260 миллион еврога тенг ушбу улкан лойиҳани бунёд этишга бош-қош бўлган Амир Муҳаммад бин Рашид Ал Мактум, шунингдек, минтақадаги энг муҳтож мактабларга уч миллион дона китоб тарқатилишини эълон қилди.
Янгиликлар лентаси
0