Қурбон ҳайити кунларида Россияда хайрия дастури бўлиб ўтади

© Sputnik / Александр Вильф / Медиабанкка ўтишНачало священного для мусульман месяца Рамадан, архивное фото
Начало священного для мусульман месяца Рамадан, архивное фото - Sputnik Ўзбекистон, 1920, 06.07.2022
Oбуна бўлиш
9-11 июль кунлари нишонланадиган Қурбон ҳайити байрамидан кейин эҳтиёжмандларга қурбонлик гўшти тарқатилади.
ТОШКЕНТ, 6 июл – Sputnik. Бугун Россия пойтахти Москвада “Курбан Керим – 2022” Бутунроссия хайрия дастури ўз ишини бошлайди. Бу ҳақда Россия мусулмонлар диний бошқармаси маълум қилди.
Қайд этилишича, эҳтиёжмандлардан мурожаатларни қабул қилиш учун +7 (495) 150 16 70 ишонч телефони ишламоқда. Россия мусулмонлари диний етакчиси, муфтий шайх Равиль Гайнутдин марҳамати билан “Курбан Керим – 2022” ташкилотчиси Россия Федерацияси мусулмонлари диний бошқармаси ҳисобланади.

Ишонч телефонига қўнғироқ қилиш орқали операторлар ариза тўлдиради ва қурбонлик гўштини бериш санасини белгилайди. Ҳайрияларни бериш пойтахтдаги масжидларда 9-11 июль кунлари нишонланадиган Қурбон ҳайити байрамидан кейин бошланади.

Россиянинг бошқа минтақаларида хайрия дастури Россия Федерацияси мусулмонлари диний бошқармаси таркибида мусулмонларнинг марказлашган ва маҳаллий диний ташкилотлари орқали амалга оширилади.
“Курбан Керим – 2022” хайрия дастури бўлиб, Россия Федерацияси мусулмонлари диний бошқармаси томонидан 2020 йилда ёлғиз кишилар ва моддий қийинчиликка учраган оилаларга ёрдам кўрсатиш мақсадида ташкил этилган. Ҳар йили дастур доирасида бутун Россия бўйлаб ўн минглаб оилаларга ёрдам берилади. “Курбан Керим – 2022” хайриячилар кўмагида ўтказилмоқда.
Янгиликлар лентаси
0