Тошкент шаҳрида Қурбон ҳайити намозининг ўқилиш вақти маълум бўлди

© Хокимият Сурхандарьинской областиПразднование Рамадан ҳайит в Узбекистане
Празднование Рамадан ҳайит в Узбекистане - Sputnik Ўзбекистон, 1920, 06.07.2022
Oбуна бўлиш
Тошкент шаҳри масжидларида Қурбон ҳайити намози жорий йилнинг 9 июль куни эрталаб соат 05:20 да ўқилади.
ТОШКЕНТ, 6 июл – Sputnik. Ўзбекистон мусулмонлари идораси Тошкент шаҳар вакиллиги мамлакат бўйлаб Қурбон ҳайити намозини ўқиш вақтини эълон қилди.
Унга кўра, Тошкент шаҳри масжидларида Қурбон ҳайити намози жорий йилнинг 9 июль куни эрталаб соат 05:20 да ўқилади. Бошқа вилоят ва ҳудудларда эса, намоз вақтидаги тафовутни инобатга олиб, қуёш чиққандан сўнг ўқилади.
Маълумот учун, Ўзбекистон Президенти Шавкат Мирзиёевнинг “Қурбон ҳайитини нишонлаш тўғрисида”ги қарорига мувофиқ, жорий йилнинг 9 июль куни Қурбон ҳайити байрами нишонланади.
Қурбон ҳайити арафасида иш ҳафтасининг туридан қатъи назар 4 кун дам олинади. Бунда:
9 июль (шанба) – Қурбон ҳайити байрами;
10 июль (якшанба) – дам олиш куни;
11 июль (душанба) – барча ходимлар учун қўшимча дам олиш куни;
12 июль (сешанба) – 6 кунлик иш ҳафтасида ишлайдиганлар учун қўшимча дам олиш куни, 5 кунлик иш ҳафтасида ишлайдиганлар учун 16 июль (шанба) дан кўчирилган дам олиш куни.
Янгиликлар лентаси
0