Тошкентдаги учта автобус йўналишига ўзгартириш киритилди

© Sputnik / Рамиз БахтияровВозобновление движения общественного транспорта в Ташкенте
Возобновление движения общественного транспорта в Ташкенте - Sputnik Ўзбекистон, 1920, 13.07.2022
Oбуна бўлиш
50-, 109А- ва 86-сонли автобус йўналишларининг ҳаракати ҳамда жадваллари сонига ўзгартириш киритилди.
ТОШКЕНТ, 13 июл — Sputnik. Тошкент шаҳрида ҳаракатланувчи 50-, 109А- ва 86-сонли автобус йўналишларининг ҳаракати ва жадваллари сонига ўзгартириш киритилди. Бу ҳақда “Тошшаҳартрансхизмат” АЖ матбуот хизмати хабар берди.
Қайд этилишича, “5-Автобус саройи” филиалига бириктирилган 50-сонли “Юнусобод мавзеси 9-даҳа - М.Юсуф кўчаси” автобус йўналишининг ҳаракати дўрмон йўли кўчасидан Т.Малик, Бинокор, Миллий боғ кўчалари орқали “Чингелди маҳалласи” бекатигача ташкил этилиб, йўналиш 50-сонли “Юнусобод мавзеси 9-даҳа - Чингелди маҳалласи” автобус йўналиши деб номланган ва йўналишдаги жадваллар сони ҳафтанинг барча кунларига 5(+1) та этиб белгиланган.
“8-Автобус саройи” филиалига бириктирилган 109А-сонли “Чиқурсой темир йўл станцияси - Чорсу метроси” автобус йўналишининг тўғри йўналишдаги ҳаракати Қорасарой, А.Қодирий, Зарқайнар кўчалари орқали “Чорсу метроси” бекатигача ташкил этилиб, қайтиш йўналиши ўзгартиришсиз қолдирилган.
“12-Автобус саройи” филиалига бириктирилган 86-сонли “Сергели мавзеси 12-даҳа - Чилонзор буюм бозори” автобус йўналишининг иш тартиби соат 5:30 дан 21:00 гача, йўналишдаги жадваллар сони шанба ва якшанба кунларига 4(+2) тадан этиб белгиланган.
Янгиликлар лентаси
0