Дунёда

Путин, Раисий ва Эрдоған Сурия бўйича нималарга келишиб олди?

© © POOLРабочий визит президента Владимира Путина в Иран
Рабочий визит президента Владимира Путина в Иран - Sputnik Ўзбекистон, 1920, 20.07.2022
Обуна бўлиш
Yandex newsTelegram
Россия раҳбарининг сўзларига кўра, Сурия расмийлари назорати остида бўлмаган ҳудудлардаги вазият алоҳида ташвиш уйғотмоқда.
ТОШКЕНТ, 20 июл — Sputnik. Кеча Эрон пойтахти Теҳронда Россия президенти Владимир Путин, Эрон раҳбари Иброҳим Раисий ва Туркия етакчиси Ражаб Таййип Эрдоған “Остона формати” саммитида доирасида уч томонлама музокара ўтказди.
Учрашувда Сурия инқирозини ҳал қилишда Остона форматининг долзарблиги таъкидланди. Остона форматининг навбатдаги учрашувини ўз вакиллари иштирокида 2022 йил охиригача олий даражада ўтказишга келишиб олинди.
Россия, Эрон ва Туркия Исроилнинг Сурияга, жумладан, тинч аҳоли объектларига давом этаётган ҳужумларини қоралади. Томонлар Сурия инқирозини фақат сурияликларнинг ўзлари тинч йўл билан ҳал қилишлари мумкинлигини тасдиқлади.
Россия раҳбарининг сўзларига кўра, Сурия расмийлари назорати остида бўлмаган ҳудудлардаги вазият алоҳида ташвиш уйғотмоқда.
“Остона учлиги Суриядаги вазиятни тўлиқ нормаллаштириш, мамлакатда мустаҳкам тинчлик ва фуқаролар тотувлигини ўрнатишга қаратилган ишларда асосий роль ўйнашда давом этиши керак”, - деди Путин.
Учрашувда Сурия ерларида янги воқеликни яратишга уринишлар ва Сурияга қарши барча бир томонлама санкциялар рад этилди.
Сурияда турли номлар остида фаолият юритаётган террорчиларга қарши курашиш тасдиқланди. Томонлар Идлибдаги вазиятни кўриб чиқди ва ушбу зонадаги вазиятни нормаллаштириш бўйича саъй-ҳаракатларни давом эттиришга келишиб олди.
Владимир Путиннинг таклифига биноан кейинги сафар учрашув Россияда ўтказиладиган бўлди.
Янгиликлар лентаси
0