Дунёда

Россия билан “иқтисодий уруш” Германияни вайрон қилмоқда – Бундестаг депутати

© Sputnik / Алексей Витвицкий / Фотобанкка ўтишФлаг Германии над зданием Будестага
Флаг Германии над зданием Будестага  - Sputnik Ўзбекистон, 1920, 22.07.2022
Обуна бўлиш
Yandex newsTelegram
Депутат Вагенкнехтга кўра, иқтисодий уруш Германияни вайрон қилмоқда, аммо у Путинга деярли зарар етказмаяпти.
ТОШКЕНТ, 22 июл — Sputnik. Берлин Москвага қарши иқтисодий урушни тўхтатиши керак, чунки у Россия энергия манбаларисиз яшай олмайди, деди немис депутати, чап партия парламентдаги фракциясининг собиқ раҳбари Сара Вагенкнехт “DPA” ахборот агентлигига берган интервьюсида. Унинг сўзларини РИА Новости келтирди.

“Россия хомашёси — нисбатан арзон ёқилғи — Россия энергетикаси рақобатбардош немис саноати мавжудлиги учун зарур шарт-шароитлардир, бизга усиз қийин бўлади. Иқтисодий уруш Германияни вайрон қилмоқда, аммо у Путинга деярли зарар етказмаяпти", деди у.

Вагенкнехтнинг сўзларига кўра, Украина Россиянинг ядровий кучини ҳарбий йўл билан мағлуб эта олмайди.
“Шунинг учун сиз музокаралар олиб боришингиз ва муросага келишингиз керак”, дея тушунтирди Вагенкнехт.
Шунингдек, у ГФРни Украинадаги можарода воситачи ролини ўйнашга ва уни “музлатиб қўйишга” чақирган Германиянинг Саксония федерал давлати бош вазири Михаэль Кречмерни қўллаб-қувватлади.

“Россия хомашёсини Германияга етказиб бериши керак. Кречмер бу борада ҳақ”, деди Вагенкнехт.

Яна бир немис парламентариси, Бундестагдаги ўнг қанот “Германия учун муқобил” партияси фракцияси раҳбари Тино Хрупалла ҳам бош вазирнинг фикрига қўшилди. У Украинадаги можарони дипломатия йўли билан ҳал қилишга чақирди.
“Акс ҳолда, фаровонлигимиз учун ҳалокатли оқибатларга олиб келадиган санкциялар режими ҳеч қачон тугамайди”, - дея хулоса қилди у.
Янгиликлар лентаси
0