Спорт

Ўзбекистонлик атлет жаҳон чемпиони бўлди

© United World Wrestlingюнон-рум кураши
юнон-рум кураши - Sputnik Ўзбекистон, 1920, 28.07.2022
Обуна бўлиш
Yandex newsTelegram
Римда бўлиб ўтаётган жаҳон чемпионатида ўзбекистонлик атлет Айтжан Халмаханов олтин медални қўлга киритди.
ТОШКЕНТ, 28 июл — Sputnik. 25−31 июль кунлари Италия пойтахти Рим шаҳрида ўтказилаётган эркин, юнон-рум ва аёллар кураши бўйича ўсмирлар ўртасидаги жаҳон чемпионатида ўзбекистонлик атлет Айтжан Халмаханов олтин медални қўлга киритди. Бу ҳақда Миллий олимпия қўмитаси матбуот хизмати хабар берди.
Айтжан Халмахонов 51 кг вазнгача бўлган полвонлар ўртасидаги баҳсларда иштирок этиб, финалда эронлик Муҳаммадризо Голамини мағлуб этди ва олтин медалга сазовор бўлди.
“Маҳоратли юнон-рум курашчимиз чемпионлик учун кечган баҳсда эронлик рақибини мағлубиятга учратиб, олтин медални қўлга киритди!”, - дейилади хабарда.
© United World Wrestlingюнон-рум кураши
юнон-рум кураши - Sputnik Ўзбекистон, 1920, 28.07.2022
юнон-рум кураши
Шунингдек, 45 килограмм вазнда курашган Шаҳзод Рўзиохунов украиналик Эвген Поковбага имкониятни бой бериб, кумуш медаль билан тақдирланган.
Бундан ташқари, Хуршидбек Нормуҳаммадов 55 кг вазнгача бўлган полвонлар ўртасидаги курашда япониялик Коҳаку Каназавани 5-4, Беҳруз Барноев 65 кг вазнгача бўлган полвонлар ўртасидаги курашда озарбайжонлик Али Ализодани 9-3 ҳисобида энгиб, жаҳон чемпионатининг бронза медалига сазовор бўлган.
“Юнон-рум курашчиларимиз жаҳон чемпионатини 1 та олтин, 1 та кумуш, 2 та бронза медали билан якунлади”, дейилади “Янги Ўзбекистон” газетаси хабарида.
Янгиликлар лентаси
0