Сиёсат

Шавкат Мирзиёев ШҲТга аъзо давлатлар делегацияларининг раҳбарларини қабул қилди

© Пресс-служба президента УзбекистанаШавкат Мирзиёев ШҲТга аъзо давлатлар делегацияларининг раҳбарларини қабул қилди
Шавкат Мирзиёев ШҲТга аъзо давлатлар делегацияларининг раҳбарларини қабул қилди - Sputnik Ўзбекистон, 1920, 29.07.2022
Обуна бўлиш
Yandex newsTelegram
Учрашувда кўп томонлама ҳамкорликнинг устувор вазифалари ва ШҲТни янада ривожлантириш истиқболлари муҳокама қилинди.
ТОШКЕНТ, 29 июл — Sputnik. Шавкат Мирзиёев пойтахтдаги Шанхай ҳамкорлик ташкилоти Ташқи ишлар вазирлари кенгаши йиғилишининг тадбирларида иштирок этаётган ШҲТга аъзо давлатлар делегацияларининг раҳбарларини қабул қилди.
Учрашувда иштирок этган вазирлар:
Ҳиндистон ташқи ишлар вазири Субраманьям Жайшанкар;
Қозоғистон Бош вазирининг ўринбосари - ташқи ишлар вазири Мухтор Тлеуберди;
Хитой Давлат кенгаши аъзоси, ташқи ишлар вазири Ван И;
Қирғизистон ташқи ишлар визири Жээнбек Кулубаев;
Покистон ташқи ишлар вазири Билавал Бхутто Зардарий;
Россия ташқи ишлар вазири Сергей Лавров;
Тожикистон ташқи ишлар вазири Сирожиддин Муҳриддин.
Шунингдек, ШҲТ бош котиби Чжан Мин и ва ШҲТ Минтақавий аксилтеррор тузилмаси Ижроия қўмитаси директори Руслан Мирзаев иштирок этди.
“Кўп томонлама ҳамкорликнинг устувор вазифалари ва ШҲТни янада ривожлантириш истиқболлари муҳокама қилинди”, дейилади хабарда.
Ўзбекистоннинг бирлашмага раислиги давомида ўтган даврда биргаликда амалга оширилган ишлар натижалари ҳамда жорий йил сентябрь ойида Самарқандда ўтадиган саммит кун тартибига алоҳида эътибор қаратилди.
Халқаро ва минтақавий аҳамиятга молик долзарб масалалар юзасидан ҳам фикр алмашилди.
Янгиликлар лентаси
0