Дунёда

АҚШнинг Россияга қарши янги санкциялари жаҳон бозорларига зарар етказади – Антонов

© Sputnik / Максим Блинов / Фотобанкка ўтишЧрезвычайный и полномочный посол РФ в США Анатолий Антонов выходит из здания Совета Федерации
Чрезвычайный и полномочный посол РФ в США Анатолий Антонов выходит из здания Совета Федерации - Sputnik Ўзбекистон, 1920, 03.08.2022
Обуна бўлиш
Yandex newsTelegram
Россиянинг Вашингтондаги элчиси Анатолий Антонов АҚШнинг Москвага қарши янги санкциялари жаҳон бозорларини ларзага солишини айтди.
ТОШКЕНТ, 3 авг — Sputnik. АҚШнинг Россияга қарши янги санкциялари логистикадаги узилишлардан азият чекаётган жаҳон бозорларини янада ларзага келтирмоқда. Бу ҳақда Россиянинг Вашингтондаги элчиси Анатолий Антонов маълум қилди.
Кеча, 2 август куни АҚШ Россияга нисбатан санкцияларни кенгайтириб, 13 нафар жисмоний ва 30 дан ортиқ юридик шахсларни чекловчи рўйхатга киритди.
“Вашингтон томонидан илгари сурилаётган “санкция машинаси” Россияни жаҳон бозорларидан сиқиб чиқариш мақсадида маҳаллий бизнесга нисбатан чекловларни “муҳрлашда” давом этмоқда. Бўш ўринларни адолатли рақобат орқали эмас, сийқаси чиққан шантаж орқали эгаллаш”, деди Антонов ОАВга берган жавобида.
Дипломатик миссия раҳбарининг таъкидлашича, Вашингтоннинг бундай “ғайрати” “таъминот занжирида жиддий узилишлардан азият чекаётган жаҳон бозорларини янада ларзага келтирмоқда”. Бу ҳолат нархларнинг янада ошишига ва маҳсулот олишда қийинчиликларга олиб келади.

“Энг катта зарар ривожланаётган мамлакатларга етказилади”, - деди элчи.

Шу билан бирга, у “рақиблар қанчалик уринмасин, Россияни яккалаб қўйиш иш бермаслигига” ишонтирди.
Россиянинг Украинани демилитаризация ва денацификация қилиш бўйича махсус операцияси бошланиши билан Ғарб Москвага нисбатан санкциялар босимини кучайтирди. Кўпгина давлатлар Россия активларини музлатиш ҳақида эълон қилди, Россиядан энергиядан воз кечишга чақириқлар кучайди. Бу чоралар Европа ва Қўшма Штатлар учун муаммо бўлиб, озиқ-овқат ва ёқилғи нархининг ошишига олиб келди.
Кремль бу чораларни иқтисодий уруш деб атади. Президент Владимир Путин санкциялар бутун жаҳон иқтисодиётига жиддий зарба берганини таъкидлади. Ғарбнинг асосий мақсади миллионлаб одамлар ҳаётини ёмонлаштириш.
Янгиликлар лентаси
0