Иқтисод

Россия Ўзбекистондан қарийб 4 минг тонна ўрик харид қилди

© Pixabay / Couleurабрикос
абрикос - Sputnik Ўзбекистон, 1920, 03.08.2022
Обуна бўлиш
Yandex newsTelegram
Ўзбекистон Россия ва Қозоғистонга 5 минг тонна ўрик етказиб берди.
ТОШКЕНТ, 3 авг — Sputnik. Ўзбекистон 2022 йилнинг январь-июнь ойларида хорижий давлатларга қиймати қарийб 5,8 млн долларга тенг бўлган 5,7 минг тонна ўрик экспорт қилган. Бу ҳақда Давлат статистика қўмитаси матбуот хизмати хабар берди.
Қайд этилишича, ўрик экспорти ўтган йилнинг мос даври билан солиштирилганда 3,1 минг тоннага камайган.
2022 йилнинг олти ойида Ўзбекистон ўрикларини энг кўп Россия (3,7 минг тонна) харид қилган. Шунингдек, Қозоғистон 1,3 минг тонна, Қирғизистон 707 тонна ўрикни Ўзбекистондан сотиб олган.
2022 йилнинг дастлабки олти ойида хорижга энг кўп ўрик экспорт қилган ҳудудлар:
· Фарғона вилояти – 2,9 минг тонна;
· Хоразм вилояти – 831 тонна;
· Тошкент вилояти – 393 тонна.
Эслатиб ўтамиз, Сурхондарё вилоятининг Термиз туманида пишиб етилган ўрик ҳосили кунлик териб олиниб, ҳар куни 10 тоннадан ортиқ маҳсулот Россия ва қўшни давлатларга экспорт қилинмоқда.
Янгиликлар лентаси
0