Туризм

Ўзбекистон стенди Москвадаги “Саёҳат қил!” форумида энг гавжум бўлиб қолмоқда

© Светлана Баева, РИА Новости Стенд Узбекистана на форуме "Путешествуй!"
Стенд Узбекистана на форуме Путешествуй! - Sputnik Ўзбекистон, 1920, 05.08.2022
Обуна бўлиш
Yandex newsTelegram
Ўзбекистон Россия сайёҳлик форумида ҳамкор-давлат мақомида иштирок этмоқда.
ТОШКЕНТ, 5 авг – Sputnik. Шу кунларда Москванинг ВДХН боғида бўлиб ўтаётган “Саёҳат қил!” туристик форумида Ўзбекистон стенди энг гавжум бўлиб қолмоқда. Sputnik мухбири хабарига асосан.
Форумда сўзга чиққан Ўзбекистоннинг Россиядаги элчиси Ботиржон Асадов Республикада россиялик сайёҳлар сони ошиб бораётганини қайд этди.
“2022 йилнинг биринчи ярмила Россиядан ЎЗбекистонга келган сайёҳлар сони 2,5 баравар ошди. Ферсатдан фойдаланиб сизни ноябрь охирда Ўзбекистонда бўлиб ўтадиган сайёҳлик кўргазмасига таклиф қиламан”, - деди Ўзбекистон элчиси.
Форум доирасида анъанавий ўзбек ҳунармандчилиги намуналари кўргазмаси, ҳунарманд усталар иштирокида мастер-класслар, ўзбек миллий либослари кўргазмаси бўлиб ўтмоқда.
Шунингдек Тошкентдан келган санъаткорлар иштирокида ўзбек миллий рақслари, мусиқа ва қўшиқлари ижро этилмоқда.
Лекин энг кўп шов-шув – палов дегустациясида бўлмоқда. Бу ерда юздан ортиқ одам машҳур ўзбек таомини татиб кўриш учун навбатда туришибди.
"Путешествуй!" - туристик форуми 4-7 авryст кунлари Москвадаги ВДНХ боғида 55 павильонда бўлиб ўтмоқда. Ундан Россиянинг барча диққатга сазовор жойлари, Россия дам олиш масканлари, сайёҳлик йўналишлари тақдим этилган. Ўзбекистон ушбу Россия сайёҳлик форумида ҳамкор-давлат мақомида иштирок этмоқда.
Янгиликлар лентаси
0