Ўзбекистон “Осиё болалари” ўйинларида умумжамоа ҳисобида иккинчи бўлди

© Фото: Ўзбекистон Миллий олимпия қўмитаси"Осиё болалари" ўйинларида қатнашган ўзбекистонлик спортчилар
Осиё болалари ўйинларида қатнашган ўзбекистонлик спортчилар  - Sputnik Ўзбекистон, 1920, 07.08.2022
Oбуна бўлиш
Ёш ўзбекистонлик спортчилар ўйинлар давомида жами 114 та медаль жамғаришга эришишди, шулардан 41 таси “олтин”.
ТОШКЕНТ, 7 авг — Sputnik. Ўзбекистон “Осиё болалари” ўйинларида умумжамоа ҳисобида иккинчи ўринни қўлга киритди. Бу ҳақда Миллий олимпия қўмитаси матбуот хизмати хабар берди.
Владивостокда бўлиб ўтган мусобақалар бугун ўз якунига етди. Сўнгги беллашувлар бадминтон бўйича бўлиб ўтди.
Сайфиддин Мухторов ва Суҳроб Ғайбуллаев жуфтлик баҳсларида “кумуш”га эга чиқишди. Сайфиддин Мухторов (яккалик), Ситора Маҳмудова ва Гулхадича Сейтжанова (жуфтлик), Ситора Маҳмудова ва Сайфиддин Мухторовлар (микст) эса Ўзбекистон жамоасига “бронза” келтиришди.
Шу тариқа, матонатли ёш ўзбекистонлик спортчилар ўйинларда 41 та олтин, 28 та кумуш ва 45 та бронза, жами 114 та медаль жамғаришди.
Мусобақалар якунига кўра Сибир округи биринчи (119 та медаль), Ўзбекистон иккинчи (114 та) ва Москва эса (110 та) учинчи поғонада қайд этилди.
Янгиликлар лентаси
0