Жамият

Ўзбекистонда ОИВ ва гепатитларни аниқлайдиган тестларни ишлаб чиқариш режалаштирилмоқда

© Sputnik / Александр Кряжев / Медиабанкка ўтишЛаборатория иммуноферментных исследований, где проходит исследование крови на инфекции
Лаборатория иммуноферментных исследований, где проходит исследование крови на инфекции - Sputnik Ўзбекистон, 1920, 08.08.2022
Обуна бўлиш
НовостиTelegram
“Rossa” компанияси ОИВ, B ва С гепатитлари, инсон папилломавируси, сил, герпес ва бошқа инфекцияларни аниқлаш учун ПЗР тест тизимларини тақдим этди.
ТОШКЕНТ, 8 авг — Sputnik. Ўзбекистонда ОИВ, B ва С гепатитлари, инсон папилломавируси, сил, герпес ва бошқа инфекцияларни аниқлаш учун полимераза занжир реакцияси (ПЗР) тест тизимларини ишлаб чиқаришни йўлга қўйиш режалаштирилмоқда.
Уларни ишлаб чиқиш билан тиббиёт, ветеринария ва озиқ-овқат хавфсизлиги соҳалари учун биотехнологик маҳсулотларни ишлаб чиқиш ва ишлаб чиқаришга ихтисослашган “Rossa” компанияси шуғулланади.
Бош вазир ўринбосари - инвестициялар ва ташқи савдо вазири Жамшид Ходжаев бошчилигидаги ҳукумат комиссияси компанияда бўлиб, у ердаги ишлар билан танишди.
2021-2022 йиллардаги пандемия даврида компания СЭС эҳтиёжлари учун коронавирус ташхисини қўйиш учун 3,8 миллион ПЗР тестини етказиб берди.
Бу, биринчи навбатда, маҳаллий ишлаб чиқарилган диагностика воситаларига ички талабни қисман таъминлашга, иккинчидан, битта тест нархини 2021 йилда 30 минг сўмгача, 2022 йилда эса 27 минг сўмгача камайтиришга имкон берди.
“Шунингдек, Ҳукумат комиссияси аъзоларига компаниянинг янги ишланмалари, шу жумладан ОИВ, B ва С гепатитлари, инсон папилломавируси, сил, герпес ва бошқа инфекцияларни аниқлаш учун ПЗР тест тизимлари тақдим этилди”, - дейилади Инвестициялар ва ташқи савдо вазирлиги хабарида.
Эслатиб ўтамиз, 1 июлдан бошлаб ҳар йили 1 миллион нафаргача аҳоли вирусли гепатит “В” ва “С” турларига скрининг текширувларидан ўтказилмоқда.
Янгиликлар лентаси
0