https://sputniknews.uz/20220817/islom-oyinlari-ozbekiston-terma-jamoasi-yana-9ta-medalni-qolga-kiritdi-27205997.html

Ислом ўйинлари: Ўзбекистон терма жамоаси яна 9та медални қўлга киритди

Ислом ўйинлари: Ўзбекистон терма жамоаси яна 9та медални қўлга киритди

Sputnik Ўзбекистон

Ўзбекистонлик спортчилар яна 3та олтин, 2та кумуш ва 8та бронза медалини қўлга киритишди. 17.08.2022, Sputnik Ўзбекистон

2022-08-17T09:46+0500

2022-08-17T09:46+0500

2022-08-17T09:46+0500

спорт

v ислом бирдамлиги ўйинлари

туркия

https://cdn1.img.sputniknews.uz/img/07e6/08/11/27205837_0:73:938:601_1920x0_80_0_0_cfbeb59147a9ca28d7deafa8080d7849.jpg

ТОШКЕНТ, 17 авг — Sputnik. Ўзбекистон терма жамоаси Туркияда ўтказилаётган V Ислом бирдамлиги ўйинларида яна 9та медални қўлга киритди. Бу ҳақида Миллий олимпия қўмитаси хабар берди.Ислом бирдамлиги ўйинлари қизғин давом этмоқда. Ўзбекистонлик спортчилар делегация ҳисобига яна 3та олтин, 2та кумуш ва 8та бронза медалини тақдим этишди.Дзюдо бўйича баҳсларда Гулноза Матниязова олтин медални қўлга киритди. У -70 кг вазн тоифасининг финал беллашувида тунислик Ниҳел Ландолсига қарши курашиб, чиройли ғалабани тантана қилди.Яна бир олтин медаль Музаффарбек Тўрабоев томонидан қўлга киритилди. Ёш дзюдочи -100 кг вазн тоифасида баҳс олиб бориб, финалда 68 сония ичида Рио-2016 финалчиси озарбайжонлик Элмар Гасимовни мағлубиятга учратди.-81 кг вазн тоифасида бронза медали учун баҳс олиб борган Шарофиддин Болтабоев эса озарбайжонлик азалий рақибларидан бири Зелим Ткаевни мағлубиятга учратишга эришди.Дзюдо баҳсларида яна бир бронза. -70 кг вазн тоифасида баҳс олиб борган Шоҳиста Назарова ҳам бронза медали учун кечган баҳсда эронлик Марям Барбатдан устун келди.Давлат Бобонов ҳам делегацияга бронза медалини тақдим қилди. -90 кг вазн тоифасида баҳс олиб борган спортчи учинчи ўрин учун баҳсда ливанлик рақибидан устун келди.Дзюдочилар яккалик беллашувларини кумуш медал билан якунлашди. Энг оғир вазн тоифасида баҳс олиб борган хоразмлик полвон Алишер Юсупов БАА вакили Магомедумар Магомедумаровга қарши татамига чиқиб, имкониятни бой бериб қўйди ва кумуш медалга сазовор бўлди.Қиличбозлар ҳам яна бир медалга сазовор бўлишди. Бу гал шпагачи Шаҳзода Эгамбердиева катта саҳнага чиқди. 18 ёшли Эгамбердиева финалгача барча рақибларини мағлуб этиб, ҳал қилувчи баҳсда мезбонлар вакили Алейна Эртуркка имкониятни бой берди ва кумуш медал соҳиблари қаторидан жой олди.Қорақалпоқ қиличбозлик мактабининг истеъдодли вакилларидан бири Муса Аймуратов Ислом бирдамлиги ўйинларида шоҳсупага кўтарилди. Саблячи яккалик дастурида ярим финалгача етиб бориб, бронза медалига сазовор бўлди.Рапира дастурида эркаклар ўртасида жамоавий баҳсда иштирок этган йигитлар финалда мезбонларни 45:36 ҳисобида мағлубоятга учратиб, олтин медалларга сазовор бўлишди.Ҳозирда Ўзбекистон терма жамоаси спортнинг турли йўналишларида қўлга киритган медаллар сони 121тага етди. Шундан 43 таси олтин, 30 таси кумуш ва 48 таси бронза. Ўзбекистон 55 та давлатлар орасида умумжамоа ҳисобида 2-ўринда бормоқда.

туркия

2022

Янгиликлар

uz_UZ

спорт, v ислом бирдамлиги ўйинлари, туркия