Сиёсат

Энди тадбиркорларнинг мулк ҳуқуқини бекор қилиш фақат суд орқали амалга оширилади

© Sputnik / Владимир Астапкович / Медиабанкка ўтишСтатуя Фемиды
Статуя Фемиды - Sputnik Ўзбекистон, 1920, 22.08.2022
Обуна бўлиш
НовостиTelegram
Тадбиркорларга нисбатан янги жавобгарлик ва жазо чораларини жорий этишга 3 йиллик мораторий эълон қилинади.
ТОШКЕНТ, 22 авг — Sputnik. Бундан буён ер ва мулк ажратиш ҳақидаги қарорларни бекор қилиш фақат ва фақат суд тартибида амалга оширилади. Бу ҳақида президент Шавкат Мирзиёев Тошкентда тадбиркорлар билан бўлиб ўтаётган учрашувда маълум қилди.
Президент ўз сўзида тадбиркорларнинг мулк ҳуқуқини ҳимоя қилиш масаласига ҳам тўҳталиб ўтди.
"Фурсатдан фойдаланиб, барча ҳокимларнинг эътиборини бир масалага қаратмоқчиман – мулк ҳуқуқига оид қарорларни улар томонидан бекор қилишга йўл қўйилмайди", дейди Шавкат Мирзиёев.
Бунда ҳуқуқ берувчи ҳужжатни фақат суд ҳақиқий эмас, деб топиши мумкин бўлади.
Шунингдек, тадбиркорларни қийнаётган яна бир амалиёт – тергов жараёнида мол-мулкни хатлаб қўйиш билан боғлиқ.
Энди, ҳар бир хатловнинг асосли экани суд томонидан кўриб чиқилади, қарорни фақат суд қабул қилади.
Маълумот учун, ўтган 3 йилда терговчилар томонидан аниқланган зарардан икки баробар кўп мол-мулк хатланган (1,5 триллион сўм).
Таъкидланишича, тадбиркорларга нисбатан янги жавобгарлик ва жазо чораларини жорий этишга 3 йиллик мораторий эълон қилинади.
Шунингдек, тадбиркорларга нисбатан мажбуриятлар юклайдиган янги қонун ҳужжатлари қабул қилинганда, йўл қўйган хатоси учун тадбиркорга 6 ой давомида жазо қўлланилмайди.
Янгиликлар лентаси
0