АрМИ-2022 - Sputnik Ўзбекистон, 1920, 17.08.2022
АРМИ-2022
АРМИ - 2022: VIII Халқаро армия ўйинлари, 13-27 август, 2022 йил.

АрМИ-2022: Ўзбекистон 7-олтинни қўлга киритди

© Минобороны УзбекистанаУзбекистан завоевал золото в "Снайперском рубеж"е в Венесуэле
Узбекистан завоевал золото в Снайперском рубеже в Венесуэле - Sputnik Ўзбекистон, 1920, 27.08.2022
Обуна бўлиш
НовостиTelegram
Бугунги кун ҳолатига Ўзбекистон ҳарбийлари 7та олтин, 10та кумуш ва 4та бронза медалларни қўлга киритди.
ТОШКЕНТ, 27 авг - Sputnik. Ўзбекистон ҳарбийлари "АрМИ—2022" Халқаро армия ўйинлари доирасида Венесуэлада бўлиб ўтган “Мерганлар марраси” конкурсида биринчи ўринни қўлга киритди, деб хабар қилди Ўзбекистон Мудофаа вазирлиги.
Венесуэлланинг Лара штати Баркисимето шаҳрида ўтказилган “Мерганлар марраси” мусобақаси давомида ҳарбий хизматчилар турли вазифаларни ўз ичига олган 4 босқичда жами 15 та шарт бўйича ўзаро беллашди. Булар — яккалик машқлар, жуфтлик ва жамоавий машқлар, ким тезкор шартларидир.
Муросасиз кечган баҳслар якуни бўйича Ўзбекистон жамоаси 1-ўринни қўлга киритди. Иккинчи ўрин мезбон давлатга насиб этган бўлса, шоҳсупанинг учинчи поғонасидан Россия ўрин олди.
“Мерганлар марраси” танлови жанговар вазиятларда тўғри ва аниқ ҳаракатланиш кўникмасини ошириш ҳамда ҳарбий хизматчиларнинг мерганлик маҳоратини синовдан ўтказишни назарда тутади.
Эслатиб ўтамиз, "АрМИ-2022" ўйинлари доираси Ўзбекистон жамоасининг муваффақиятли иштирок этиб келмоқда. Бугунги кунга қадар жамоа 7та олтин, 10та кумуш ва 4та бронза медалларни қўлга киритган. Шунингдек, Ўзбекистон танкчилари энг мураккаб конкурслардан бири бўлган "Танк биатлони" танловининг финалига чиқишган. Халқаро армия ўтинлари 27 августга қадар давом этади.
Янгиликлар лентаси
0