Янги Chevrolet Tracker сотувга чиқди
10:22 30.08.2022 (янгиланди: 10:23 30.08.2022)
© Sputnik
Oбуна бўлиш
Автомобилнинг бошланғич комплектация нархи 179 000 000 сўм, Premier комплектация эса 249 000 000 сўмдан сотилади– тафсилотлар.
ТОШКЕНТ, 30 авг — Sputnik. Биринчи миллий кроссовер Chevrolet Tracker автомобили сотуви бошланди. Бу ҳақида “UzAuto Motors” компанияси маълум қилди.
Автомобиль ихлосмандлари бугундан бошлаб, кроссоверга шартнома тузишлари мумкин.
Chevrolet Tracker нархлари:
Бошланғич комплектация — 179 000 000 сўм;
LS комплектация — 209 000 000 сўм;
LTZ комплектация — 229 000 000 сўм;
Premier комплектация — 249 000 000 сўм.
Chevrolet Tracker кроссовери замонавий дизайн, хавфсизлик, қулайлик, самарадорлик ва тежамкорлик сифатларига эга.
Миллий кроссовер Chevrolet Tracker автомобили
© UzAuto Motors
“Chevrolet Tracker ўзининг замонавий ташқи кўриниши ҳамда салон интерери шунингдек, GM томонидан ишлаб чиқарилган CSS Prime тежамкор двигатели, ҳамда интеллектуал функциялар ва хавфсизлик тизимлари жамланмаси билан ажралиб туради”, дейилади хабарда.
“Chevrolet Tracker 2023”нинг айрим хусусиятлари:
1,2 ҳажмли, айланма ҳаракатда 190 Нм ва 132 от кучи қувватига эга замонавий уч силиндрли CSS Prim турбомотор;
6-поғонали автоматик узатмалар қутиси;
аралаш циклда тежамкор ёқилғи сарфи 6.9 л/100 км, шаҳар ташқарисидаги йўлда ҳаракатланиш- 5.6 л/100 км;
Хавфсизликни таъминлаш тизими ( паст тезликда автоматик тормозлаш, кўриниши чекланган жойлар мониторинги, фаол фавқулодда тормозлаш, олдинда турган тўсиқлар ҳақида огоҳлантириш, фронтал тўқнашув ҳақида огоҳлантириш, 6 та хавфсизлик ёстиқчаси).
Қулайлик:
яримавтомат (параллел ва перпендикуляр) тўхташ тизими;
ҳароратни автоматик назорат қилувчи тизим (климат контрол);
круиз-контрол;
ақлли калит (smart key) ва двигателни ишга тушириш;
чарм қопламали 3 спитсали рул;
ёмғир датчиги;
эко-чармдан ўриндиқлар қопламалари;
симсиз зарядлаш;
8 дюймли сенсор дисплейга эга мултимедиа тизими (Apple CarPlay va Android Auto);
тўлиқ светодиод оптикаси ва LED орқа габарит чироқлар.
Миллий кроссовер Chevrolet Tracker автомобили
© UzAuto Motors
2023 йилдан бошлаб автомобиллар қўшимча опциялар: ташқи ойналарни иситиш тизими, олд ўриндиқларни иситиш, ойна тозалагич (дворник) атрофини иситиш, иккинчи орқа қатор ўриндиқлари иситиш тизими, электр механизмга эга ҳайдовчи ўриндиғи, рул иситиш тизими, ҳимоя картери ва "Redline" пакетида тақдим этилади.
