Жонни Депп Тошкент кинофестивалида иштирок этади

© AP Photo / Steve HelberДжонни Депп на суде округа Фэрфакс в Фэрфаксе, штат Вирджиния
Джонни Депп на суде округа Фэрфакс в Фэрфаксе, штат Вирджиния - Sputnik Ўзбекистон, 1920, 06.09.2022
Oбуна бўлиш
Жонни Депп ва Эндрю Левитас кинофестиваль меҳмонлари ва иштирокчиларига “Минамата” номли қўшма лойиҳасини тақдим этади.
ТОШКЕНТ, 6 сен — Sputnik. Машҳур америкалик актёр Жонни Депп XIV Тошкент халқаро кинофестивалида иштирок этади. Бу ҳақда тадбир матбуот хизмати хабар берди.
Бундан ташқари, фестивалда машҳур америкалик режиссёр Эндрю Левитас ҳам иштирок этади. Матбуот хизмати хабарига кўра, юлдузли тандем бўлажак кинофестиваль меҳмонлари ва иштирокчиларига “Минамата” номли қўшма лойиҳасини тақдим этади. Фильмда Жонни Депп америкалик фотограф Смит ролини ўйнайди.
Фильм томоша қилингандан сўнг, юлдуз билан биргаликда фильмнинг онлайн муҳокамаси бўлиб ўтади.
Эслатиб ўтамиз, Жонни Депп “Олтин глобус” мукофоти совриндори. Деппга машҳурлик олиб келган фильмлар: “Эдуард. Қўл-қайчи”, “Чарли ва шоколад фабрикаси”, “Эд Вуд”, “Суини Тодд” ва “Алиса мўъжизалар мамлакатида”, “Келин жасади” мултфильми, шунингдек “Кариб денгизи қароқчилари” фильмидаги капитан Жек Читтак образи.
Янгиликлар лентаси
0