Деҳқончилик учун ерлар аҳолига 30 йилга ижарага берилади

© Sputnik / Виталий Тимкив / Медиабанкка ўтишВесенние полевые работы на полях
Весенние полевые работы на полях - Sputnik Ўзбекистон, 1920, 12.09.2022
Oбуна бўлиш
2022 йил якунигача 20 минг гектар – умумий 100 минг гектар экин майдонлари аҳолига очиқ электрон танлов орқали ижарага берилади.
ТОШКЕНТ, 12 сен — Sputnik. Ўзбекистонда эндиликда деҳқончилик учун ерлар аҳолига 30 йилга ижарага берилади. Бу ҳақда президент Шавкат Мирзиёевнинг 10 сентябрь куни имзолаган ПҚ–373-сон қарорида белгиланган.
Қарорга мувофиқ, фермерлар ва кластерлар фойдаланишидаги пахта ва ғалладан қисқартирилган ҳамда аҳоли пунктларига яқин ва сув таъминоти яхши бўлган ерлардан 2022 йил якунигача қўшимча 20 минг гектар – умумий 100 минг гектар экин майдонлари, 2023 йилда 95 169 гектар экин майдонлари аҳолига очиқ электрон танлов орқали ижарага берилади.
Бунда экин майдонлари 30 йил муддатга:
сув таъминоти яхши бўлган ерлардан – Андижон, Наманган ва Фарғона вилоятларида 0,15 гектардан 1 гектаргача, бошқа вилоятларда 0,30 гектардан 1 гектаргача ҳамда Қорақалпоғистон Республикасида 0,30 гектардан 2 гектаргача бўлган ўлчамларда;
кам сувли ерлардан – вилоятларда 0,50 гектардан 1 гектаргача ҳамда Қорақалпоғистон Республикасида 0,50 гектардан 2 гектаргача бўлган ўлчамларда ижарага берилади.
2022-2023 йилларда экин майдонларини аҳолига бериш учун ўтказиладиган танловда 1 та талабгор иштирок этса ҳам, истисно тариқасида, танлов ўтказилган ҳисобланади.
Иссиқхона ривожланган туманларда деҳқон хўжаликларига ажратиб берилган экин майдонларида иситиш тизимларини ўрнатмаган ҳолда енгил конструкцияли иссиқхоналар қурилишига рухсат берилади.
Йил якунига қадар яна 20 минг гектар экин майдони аҳолига бўлиб берилади
“Темир дафтар”, “Аёллар дафтари” ва “Ёшлар дафтари”га киритилган аҳолига деҳқон хўжалигини учун ер танлов орқали ижарага берилганда, улар дафтарлардан чиқарилмайди ва улар учун барча имтиёз ва преференциялар бир йилга сақлаб қолинади.
Янгиликлар лентаси
0