Россияда ўтказилган халқаро чемпионатда Ўзбекистон жамоаси 3-ўринни эгаллади

© IT Park“IT Park” жамоаси
“IT Park” жамоаси - Sputnik Ўзбекистон, 1920, 14.09.2022
Oбуна бўлиш
2022 йилги “WorldSkills International” Евроосиё чемпионатида “Мобил робототехника” йўналиши бўйича Ўзбекистон номидан иштирок этган “IT Park” жамоаси 3-ўринни эгаллади.
ТОШКЕНТ, 14 сен — Sputnik. 8-12 сентябрь кунлари Россиянинг Саранск шаҳрида ўтказилган “WorldSkills International” Евроосиё чемпионатида “IT Park” жамоаси 3-ўринни эгаллади. Бу ҳақда “IT Park” матбуот хизмати хабар берди.
Қайд этилишича, турли мамлакатлардан шунингдек, Россия минтақаларидан аввал маҳаллий ва федерал босқичларда ғолиб бўлган 18 та кучли жамоа саралашдан ўтиб, мусобақанинг финал босқичида иштирок этган. Ўзбекистон жамоаси “Мобил робототехника” йўналиши бўйича қатнашган.
Шунингдек, “IT Park” жамоаси 12-13 октябрь кунлари Франциянинг Бордо шаҳрида ўтказиладиган “WorldSkills International” жаҳон чемпионатида иштирок этади.
“WorldSkills” — ҳар икки йилда бир марта ўтказиладиган турли кўникмалар бўйича мусобақа. Ўзбекистон “WorldSkills” халқаро ассоциациясига 2020 йилда аъзо бўлган.
Янгиликлар лентаси
0