Ўзбекистон ва Хитой ўртасида 15 млрд долларлик келишувлар имзоланди
12:20 15.09.2022 (янгиланди: 13:02 15.09.2022)
Oбуна бўлиш
Самарқандда Шавкат Мирзиёев ва Си Цзиньпин музокаралари бўлиб ўтди.
ТОШКЕНТ, 15 сен — Sputnik. Ўзбекистон ва Хитой умумий қиймати 15 миллиард долларлик устувор лойиҳаларни амалга ошириш бўйича савдо-иқтисодий, инвестициявий ва молиявий-техник ҳамкорликка доир келишувлар имзолади. Бу ҳақда Ўзбекистон етакчиси матбуот хизмати хабар бермоқда.
Келишувлар Самарқандда бўлиб ўтган Ўзбекистон президенти Шавкат Мирзиёев ва Хитой Халқ Республикаси раиси Си Цзиньпиннинг музокаралари якунида имзоланди.
15 сентября 2022 в Конгресс-центре международного туристического центра "Великий шелковый путь" в Самарканде состоялись переговоры Президента Республики Узбекистан Шавката Мирзиёева и Председателя Китайской Народной Республики Си Цзиньпина.
Учрашувда етакчилар Ўзбекистон билан Хитой ўртасидаги ҳар томонлама стратегик шериклик муносабатларини ривожлантиришнинг муҳим йўналишларини атрофлича кўриб чиқдилар.
Савдо-иқтисодий ҳамкорликни янада кенгайтириш, бунда электрон тижоратни ривожлантириш, саноат кооперацияси бўйича, энг аввало, автомобилсозлик, “яшил” энергетика, қишлоқ хўжалиги ва инфратузилма каби соҳаларда илғор лойиҳаларни амалга ошириш муҳимлиги қайд этилди.
15 сентября 2022 в Конгресс-центре международного туристического центра "Великий шелковый путь" в Самарканде состоялись переговоры Президента Республики Узбекистан Шавката Мирзиёева и Председателя Китайской Народной Республики Си Цзиньпина.
Хитойнинг камбағалликка қарши курашиш, ҳудудларни ривожлантириш ва профессионал кадрлар тайёрлаш борасидаги илғор тажрибасини ўрганиш ва жорий этишни давом эттиришга алоҳида эътибор қаратилди.
Давлат раҳбарлари ҳудудлар ўртасидаги алоқаларни фаоллаштириш зарурлигини таъкидладилар. Шу мақсадда жорий йил якунига қадар Ўзбекистонда икки мамлакат ҳудудларининг биринчи форумини ўтказиш таклиф этилди.
Минтақа тараққиёти ва транспорт жиҳатидан ўзаро боғлиқлиги учун стратегик аҳамиятга эга “Хитой – Қирғизистон –Ўзбекистон” темир йўли қурилишини бошлаш тўғрисида тарихий келишувга эришилгани катта мамнуният билан қайд этилди.
Келгуси йилда ўзаро дўстлик ва англашувни янада мустаҳкамлашга хизмат қиладиган Ўзбекистон ва Хитой халқлари маданияти ва санъати йилини ўтказишга келишиб олинди.
Минтақавий ва халқаро аҳамиятга молик долзарб масалалар юзасидан батафсил фикр алмашилди.
Мирзиёев ва Цзиньпин Афғонистонда тинчлик жараёнига ва иқтисодий тикланишга кўмаклашиш борасидаги саъй-ҳаракатларни, халқаро ва минтақавий тузилмалар, жумладан, “Марказий Осиё – Хитой” механизми доирасида тизимли ҳамкорликни давом эттириш муҳим эканини таъкидлашди.
Хитой етакчиси Ўзбекистоннинг Шанхай ҳамкорлик ташкилоти (ШҲТ) раиси сифатидаги фаолиятини, бунинг натижасида ташкилотни кенгайтириш ва халқаро нуфузини мустаҳкамлаш бўйича муҳим қарорлар қабул қилинганини юксак баҳолади.
Музокаралар якунида Си Цзиньпин Шавкат Мирзиёевни жавоб ташрифи билан Хитойга боришга таклиф этди.
Маълумотларга кўра, ўтган йилда Ўзбекистон ва Хитой ўртасидаги товар айирбошлаш рекорд кўрсаткич – 8 миллиард долларга етган, жорий йил бошидан эса 30 фоиздан ортиқ ўсган. Охирги беш йилда Ўзбекистон иқтисодиётига жалб қилинган инвестициялар ҳажми 10 миллиард доллардан ошган.
Эслатиб ўтамиз, аввалроқ Хитой раиси Си Цзиньпин Ўзбекистонга давлат ташрифи билан келгани хабар қилинган эди. Шунингдек, Хитой етакчиси ШҲТнинг Самарқанд саммитида иштирок этади.
