Президент Қашқадарё вилояти ҳокимига ҳайфсан берди

© Ўзбекистон президенти матбуот хизматиШавкат Мирзиёев
Шавкат Мирзиёев - Sputnik Ўзбекистон, 1920, 19.09.2022
Oбуна бўлиш
Туризм салоҳиятида оширишда ишларни етарли даражада ташкил этмагани учун 14 та туман ҳокимини бугун ишдан олиб, ўзгариш қилиш учун уларга уч ой синов муддати берилади.
ТОШКЕНТ, 19 сен — Sputnik. Президент Шавкат Мирзиёев ички ва ташқи туризм салоҳиятида оширишда ишларни етарли даражада ташкил этмагани учун Қашқадарё вилояти ҳокими Муроджон Азимовга ҳайфсан берди. Бу ҳақда давлат раҳбари матбуот котиби хабар қилди.
Ички ва ташқи туризм салоҳиятини янада ошириш чора-тадбирлари юзасидан видеоселектор йиғилишида маълум қилинишича, йил бошидан Самарқанд – 900 минг, Фарғона – 850 минг, Андижон – 650 минг ички сайёҳларни қабул қилиб, бу борада пешқадам бўлган.
Лекин айрим вилоят, туман ва шаҳарлар натижалари яхши эмас. Сирдарёга – 151 минг, Навоийга – 262 минг, Жиззахга – 275 минг ички сайёҳ ташриф буюриб, бу уларнинг салоҳиятидан анча кам бўлган.
Четдан келган туристлар учун кўрсатилган хизматлар Қашқадарёда жуда паст бўлиб, Шаҳрисабз, Яккабоғ, Қамаши, Касби туманларида туризм хизматлари умуман кўрсатилмаган. Шу билан бирга, Жиззах, Навоий, Сирдарё, Наманган ва Сурхондарёда ҳам хорижий туристларга хизмат кўрсатишдан тушумлар қолган ҳудудлардан анча орқада.
Айниқса, Шеробод, Олтинсой, Косонсой, Тўрақўрғон, Арнасой, Кармана, Ургут, Гулистон, Янгийўл, Хива туманларида туризм хизматлари умуман кўрсатилмаган.
Йиғилишда ишларни етарли даражада ташкил этмагани учун Қашқадарё вилояти ҳокими Муроджон Азимовга ҳайфсан берилди. Шаҳрисабз, Яккабоғ, Қамаши, Касби, Косонсой, Тўрақўрғон, Арнасой, Кармана, Ургут, Шеробод, Олтинсой, Гулистон, Янгийўл, Хива туманлари ҳокимлари бугун ишдан олиниб, ўзгариш қилиш учун уларга уч ой синов муддати берилади.
Янгиликлар лентаси
0