Қозоғистонда президентликка номзодларни кўрсатиш қачон бошланиши маълум бўлди

© Sputnik / Евгений Одиноков / Медиабанкка ўтишГолосование на президентских выборах в посольстве Казахстана в Москве
Голосование на президентских выборах в посольстве Казахстана в Москве - Sputnik Ўзбекистон, 1920, 22.09.2022
Oбуна бўлиш
Ҳар бир номзодни қўллаб-қувватлаш учун 118 273 та сайловчиларнинг ҳақиқий имзоси тўпланиши керак - тафсилотлар.
ТОШКЕНТ, 22 сен — Sputnik. Қозоғистонда президентликка номзодлар кўрсатиш 23 сентябрдан 11 октябргача бўлиб ўтади. Бу ҳақида Sputnik Қозоғистон мамлакат Марказий сайлов комиссиясига таянган ҳолда хабар берди.
Бугун бўлиб ўтган Марказий сайлов комиссияси йиғилишида МСК аъзоси Константин Петров Қозоғистон президенти лавозимига номзодларни кўрсатиш 11 октябрь куни соат 18:00гача давом этишини маълум қилди.
“Президентликка номзодлар кўрсатиш сайлов тайинланган куннинг эртасидан бошлаб, яъни 23 сентябрдан 11 октябрь куни соат 18:00да якунланиши керак”, - дейди Петров.
Президентликка номзодлар кўрсатиш ҳуқуқи белгиланган тартибда рўйхатга олинган республика жамоат бирлашмаларига тегишли.
Қайд этилишича, номзодлар тақдим этилган кундан бошлаб беш кун ичида Марказий сайлов комиссиясида рўйхатга олинади.
Қуйидаги ҳужжатлар қабул қилиб олинади:
республика жамоат бирлашмаси олий органи мажлисининг номзод кўрсатиш тўғрисидаги баённомасидан кўчирмалар;
номзоднинг сайловда қатнашишга розилиги тўғрисидаги аризаси;
номзоднинг сайловга ҳисса қўшганлигини тасдиқловчи ҳужжат.
Президентликка номзодларнинг қўллаб-қувватланганлиги вилоятлар, республика аҳамиятига молик шаҳарлар ва пойтахтнинг камида 2/3 қисмини тенг вакиллик қилувчи сайловчиларнинг камида 1 фоизи имзоси тўпланиши билан тасдиқланиши керак.
Имзо варақаларини бериш номзоднинг Конституция ва Конституциявий қонун талабларига мувофиқлиги белгиланганидан кейин 5 кун ичида амалга оширилади.
1 июль ҳолатига кўра, Қозоғистон Республикаси сайловчилар рўйхатига 11 миллион 827 минг 277 нафар фуқаро киритилган.
Ҳар бир номзодни қўллаб-қувватлаш учун 118 273 та сайловчиларнинг ҳақиқий имзоси тўпланиши керак.
Эслатиб ўтамиз, аввалроқ Қозоғистонда 20 ноябрь куни навбатдан ташқари президент сайлови бўлиб ўтиши хабар қилинган эди.
Янгиликлар лентаси
0