Иқтисод

“Мир” карталарининг Ўзбекистонда ишламай қолгани катта муаммо эмас – иқтисодчи

© Sputnik / Alexey Filippov  / Медиабанкка ўтишКарты национальной платежной системы "Мир"
Карты национальной платежной системы Мир - Sputnik Ўзбекистон, 1920, 23.09.2022
Обуна бўлиш
НовостиTelegram
Иқтисодчининг сўзларига кўра, Ўзбекистонда “Мир” карталарининг вақтинчалик ишламаслиги катта муаммо эмас.
ТОШКЕНТ, 23 сен — Sputnik. Россиянинг “МИР” тўлов тизими Ўзбекистонда ишламай қолгани биринчи марта эмас, деди иқтисодчи Денис Ракша Sputnik радиосига берган интервьюсида.
Экспертнинг сўзларига кўра, март ойи бошида ҳам “Uzcard” процессинг маркази техник сабабларга кўра “МИР” карталарини қабул қилиш тўхтатилганини маълум қилган. Бироқ носозлик бартараф этилганидан сўнг аввалгидек Россия тўлов тизими Ўзбекистонда ҳам ишлай бошлаган.
“Менимча, Ўзбекистонда “Мир”картаси бор одамлар бир вақтнинг ўзида бошқа тўлов тизимлари карталарининг ҳам бахтли эгалари. Уларда фақат битта карта борлигини тасаввур қила олмайман. Шунинг учун улар вақтинча бошқа тўлов тизимларидан фойдаланишади”, - деди у.
Иқтисодчи ҳозирда Ўзбекистонда бўлган Россия тўлов тизими фойдаланувчиларига ҳам маслаҳатлар берди.
“Энди сиз нақд пулндан эски усулда фойдаланишингиз мумкин”, - деди Ракша.
Иқтисодчининг сўзларига кўра, маҳаллий аҳоли учун “Мир” карталарининг вақтинчалик ишламаслиги “ўлимга олиб келувчи зарба” эмас.
Эслатиб ўтамиз, UZCARD тизимида ҳозирда техник ва профилактик ишлар олиб борилаётганлиги сабабли Ўзбекистонда вақтинча Россиянинг “МИР” карталари ишламай турибди. Бироқ Ўзбекистон Республикасида ишлаб чиқарилган кобейжинг "Uzcard-Мир" карталари мамлакат ҳудудида ишлаяпти.
2022 йилнинг март ойида Uzcard тўлов тизими "Uzcard-Мир" кобейджинг карталари чиқарилишини эълон қилган эди. Улар рублдан сўмга ва аксинча автоматик конвертацияни ўз ичига олади.
Янгиликлар лентаси
0