Тошкентда метронинг янги учта бекати қурилиши якунланмоқда - фото

© Ўзбекистон темир йўллари Метрополитен
Метрополитен - Sputnik Ўзбекистон, 1920, 06.10.2022
Oбуна бўлиш
Янги бекатлар қўрилиши натижасида метрода юрувчи кунлик йўловчилар сони 600 минггача ошади.
ТОШКЕНТ, 6 окт — Sputnik. Пойтахтда янги учта метрополитен бекати қурилиши якунланмоқда. Бу ҳақида Ўзбекистон темир йўллари хабар берди.
Ер усти метросининг 2-босқичи “Қўйлиқ – Қурувчилар” йўналишининг 7-бекатдан 12-бекатгача бўлган 8,5 километрлик участкасида қурилиш ишлари амалга оширилмоқда.

“Ер усти метро йўналишининг 2-босқичидаги 5 та бекат қуриш ва 8,5 километрлик участка йўлларида пўлат излар ўрнатиш ишлари жорий йил якунига қадар якунланиши белгиланган. Мазкур йўналиш бир кунда 40 мингга яқин йўловчига хизмат кўрсатиш қувватига эга бўлади”, - дейилади хабарда.

Ушбу босқич қуриб битказилиши натижасида қуйидагиларга эришилади:
Тошкент метрополитенининг жами узунлиги 70 километрдан зиёд бўлади;
бекатлар сони 50 тага етади;
метрода юрувчи кунлик йўловчилар сони 600 минггача ошади;
245 та янги иш ўрни яратилиб, метро ҳаракатининг таннархи, аҳолининг жамоат транспортига харажати ва кутиш вақти сезиларли қисқаради.
Ҳозирги вақтда 3 та бекат қурилиши якунланмоқда. Айни пайтда мутахассислар томонидан 7-бекатдан 10-бекатгача бўлган масофада қурилиш жараёнининг барча темир-бетон ишлари тугатилди ҳамда янги ва мустаҳкам релслар тўлиқ ўрнатиб бўлинди.
© Ўзбекистон темир йўллари Метрополитен
Метрополитен - Sputnik Ўзбекистон, 1920, 06.10.2022
Метрополитен
8-бекат
Мазкур бекат Қўйлиқ-1 мавзесида жойлашган. Бугунги кунгача бекатдаги асосий ишларнинг қарийб 95 фоизи бажариб бўлинди. Бекат 2 қаватдан иборат. Биринчи қаватга жами 28 та хона қурилган бўлса, перрон 2-қаватда бўлиб, умумий узунлиги 105 метрдан иборат.
9-бекат
Ушбу бекат Қўйлиқ-4 ҳамда Қўйлиқ-5 мавзеларида жойлашган. Бу ерда асосий қурилиш ва пардозлаш ишларининг қарийб 99 фоизи якунига етди. Биринчи қаватдаги барча хизмат кўрсатиш ва техника хоналари тўлиқ таъмирдан чиқарилган.
10-бекат
Бекат Сергели туманидаги Қўйлиқ-7 мавзесида жойлашган. Ушбу бекатда ҳам асосий қурилиш ишлари тугатилиб, сўнгги пардозлаш ишлари амалга оширилмоқда.
© Ўзбекистон темир йўллари Метрополитен
Метрополитен - Sputnik Ўзбекистон, 1920, 06.10.2022
Метрополитен
Қайд этилишича мазкур бекатларининг 2 қаватидаги перрон қисми кўриниши ҳам бир-бирини такрорламайди. Дизайни, қурилиш маҳсулотларининг тури ва рангида фарқ бор. Ҳар бир бекатда ёнғин хавфсизлиги йўлаги ташкил этилди. Мавжуд 3 та бекатда замонавий лифт ва эскалаторлар ҳам ўрнатилди.
Қолаверса, 11-бекат биносининг ички ва ташқи деворлари сувоқ ишлари ҳамда Қипчоқ кўчасидаги 12-бекатда 85 фоиз ишлар ҳам бажарилган.
© Ўзбекистон темир йўллари Метрополитен
Метрополитен - Sputnik Ўзбекистон, 1920, 06.10.2022
Метрополитен
Маълумот учун, Тошкент ер усти ҳалқа метро йўналишининг 2-босқичида амалга оширилаётган қурилиш ишларига 116 та техника, машина ва механизмлар ҳамда 2 минг 650 нафарга яқин малакали муҳандис ва ишчи-ходим жалб қилинган.
Янгиликлар лентаси
0