Орбан “хато” санкциялар сиёсатини ўзгартиришга чақирди

© Sputnik / Валерий МельниковПремьер-министр Венгрии Виктор Орбан, архивное фото
Премьер-министр Венгрии Виктор Орбан, архивное фото - Sputnik Ўзбекистон, 1920, 07.10.2022
Oбуна бўлиш
Венгрия бош вазирига кўра, Европа аста-секин қон тўкмоқда, Россия эса яхшигина пул топяпти.
Европа Иттифоқининг Россияга қарши санкциялари Европага зарар етказувчи хатодир. Бу фикрни кеча Венгрия бош вазири Виктор Орбан ижтимоий тармоқдаги саҳифасида ёзиб қолдирди.

“Санкцияларга боғланган умидлар амалга ошмади. Европа аста-секин қон тўкмоқда, Россия эса яхшигина пул топмоқда. Кўриниб турибдики, Брюсселнинг хато бўлиб чиққан санкция сиёсатини ўзгартириш керак”, - деб ёзади Орбан. Унинг сўзларидан РИА Новости иқтибос келтирди.

Европа Иттифоқининг норасмий саммити чоғида эълон қилинган видеомурожаатида Орбан учрашувда қийин саволлар муҳокама қилинаётганини таъкидлади: Европа мамлакатлари яқин ойларда газ ва электр энергиясига эга бўладими? “Венгрия аввалроқ нефт эмбаргоси ​​ва санкцияларидан озод бўлган ва сўнгги кунларда биз янги санкциялар Венгрия атом энергиясига ҳам, Венгрияга газ етказиб беришга ҳам тааллуқли бўлмаслигини таъминлашга муваффақ бўлдик, аммо санкциялар энергия нархини кескин оширди, бу ҳам Венгрияга таъсир қилади, нархларни тўлаш деярли мумкин эмас ", деди бош вазир.
Прагада Европа Иттифоқи ва унга аъзо бўлмаган Европа давлатлари раҳбарлари иштирокида Европа сиёсий ҳамжамияти етакчиларининг биринчи учрашуви бўлиб ўтади. Саммитга Европа Иттифоқига аъзо 27 давлат, Ғарбий Болқон мамлакатлари, Норвегия, Швейцария, Исландия, Лихтенштейн, Буюк Британия, Украина, Молдова, Грузия, Туркия, Арманистон ва Озарбайжон раҳбарлари таклиф этилган. Учрашувнинг асосий мавзулари Украинадаги вазият, энергетика инқирози ва иқтисодиёт бўлади.
Венгрия бош вазири Европа Иттифоқини Россияга қарши сиёсати учун доимо танқид қилиб келади. Унинг таъкидлашича, Россияга қарши минглаб санкциялар мавжуд, бироқ улар Москвани ларзага келтирмаган, Европа аллақачон тўртта ҳукуматдан айрилган ва чуқур иқтисодий ҳамда сиёсий инқирозда. Бундан ташқари, ЕИ давлатлари Украинадаги можарода воситачилик қилиш имкониятини қўлдан бой берган, чунки улар Минск келишувлари бажарилишини таъминлай олмаган.
Россия Украинани демилитаризация ва денацификация қилиш бўйича махсус операцияни эълон қилганидан сўнг АҚШ бошчилигидаги Ғарб давлатлари Москвага нисбатан санкциялар босимини кескин кучайтирди. Чекловчи чоралар биринчи навбатда банк сектори ва юқори технологияли маҳсулотлар етказиб беришга қаратилган. Кўплаб брендлар Россиядан чиқиб кетишди.
Кремль ушбу бу чораларни мисли кўрилмаган иқтисодий уруш деб атади, лекин воқеаларнинг бундай ривожланишига тайёр эканини билдирди. Россия банки валюта бозорини барқарорлаштирди, дўстона бўлмаган мамлакатларга газни рублда сотиш эълон қилинди.
Европа Иттифоқи кеча Россияга қарши саккизинчи иқтисодий ва индивидуал санкциялар пакетини киритди, жумладан, нефть нархининг юқори чегараси, 7 миллиард евролик савдо чекловлари ва 30 жисмоний ва етти юридик шахсга нисбатан чекловчи чоралар. Улар 7 октябрдан кучга киради.
Янгиликлар лентаси
0