Россия ФХХ Москвада теракт уюштирмоқчи бўлган Украина агентини қўлга олди

Oбуна бўлиш
Украина махсус хизматлари Москва вилоятида уюштирмоқчи бўлган террорчилик актларига тайёргарлик кўришнинг олди олинди.
ТОШКЕНТ, 12 окт — Sputnik. Москва вилоятида иккита “Игла” кўчма зенит ракета комплексини қўллаб, теракт уюштиришни режалаштирган Украина хавфсизлик хизмати агенти қўлга олинди. Бу ҳақда Россия Федерал хавфсизлик хизмати (ФХХ) хабар берди.
“Москва минтақасида Украина махсус хизматлари томонидан юқори аниқликдаги қурол ёрдамида қўпорувчилик террорчилик актларига тайёргарлик кўришнинг олди олинди. 1972 йилда туғилган Украина фуқароси қўлга олинди”, - дейилади хабарда.
Тезкор маълумотларга кўра, қўлга олинган шахс Украина Хавфсизлик хизмати топшириғига биноан автомобилида яширин тарзда Киевдан Россияга Эстония орқали “Игла” кўчма зенит ракета комплексини террорчилик актларига тайёргарлик кўриш учун олиб келган ва уларни сақлаш учун жой топган.
“Фигурант қилмишидан пушаймон бўлди ва тергов билан ҳамкорлик қилмоқда”, - дея қўшимча қилинган хабарда.
Ундан иккита “Игла” қуроли ва унинг жиноят хатти-ҳаракатларини тасдиқловчи алоқа воситалари мусодара қилинган.
Россия Жиноят кодексининг тегишли моддаси билан жиноий иш очилган ва тергов ҳаракатлари олиб борилмоқда.
Янгиликлар лентаси
0