Айрим товарларга божхона божининг ноль ставкаси қўлланилади

© unsplash.com/Paul TeysenКонтейнеры импорт
Контейнеры импорт - Sputnik Ўзбекистон, 1920, 13.10.2022
Oбуна бўлиш
Саноат ишлаб чиқаришида қўшимча қулайликлар яратилади.
ТОШКЕНТ, 13 окт — Sputnik. 2025 йил 1 январга қадар айрим хомашё ва ярим тайёр маҳсулотларга импорт божхона божи ноль ставкада қўлланилади. Бу ҳақда Ўзбекистон президенти Шавкат Мирзиёевнинг 12 октябрь куни имзолаган 392-сон қарорида белгиланган.
Қарорга кўра, “божхона ҳудудида қайта ишлаш” божхона режими доирасида барча ташқи иқтисодий фаолият иштирокчиларига божхона тўловларини тўлаш талаби бекор қилинади.
2023 йил 1 январдан бошлаб:
- асбоб-ускуналар сотиб олиш (сотиш) бўйича шартномада монтаж ва ишга тушириш-созлаш хизматлари, ходимларни ўқитиш хизматлари ва бошқа хизматлар қиймати кўрсатилмаган ҳолларда бозор қийматидан келиб чиқиб ҳисобланади;
- мазкур хизматларни кўрсатганлик учун норезидентнинг солиқ солинадиган даромадини шартнома қийматининг 20 фоизига тенг деб ҳисоблашнинг амалдаги тартиби бекор қилинади.
Ўзбекистон ҳудудига импорт қилишда божхона божи ва ҚҚСдан озод этиладиган, ўхшаши республикада ишлаб чиқарилмайдиган технологик асбоб-ускуналар рўйхатига иловага мувофиқ технологик асбоб-ускуналар киритилди.
© Telegram / nigoh_01Технологик асбоб-ускуналар рўйхати
Технологик асбоб-ускуналар рўйхати - Sputnik Ўзбекистон, 1920, 13.10.2022
Технологик асбоб-ускуналар рўйхати
Янгиликлар лентаси
0