БАА компанияси Тошкентнинг оқова сув тизимини яхшилашда ёрдам беради

© Фото: O‘zsuvta'minotКомпания из ОАЭ поможет улучшить канализационную систему в Ташкенте
Компания из ОАЭ поможет улучшить канализационную систему в Ташкенте - Sputnik Ўзбекистон, 1920, 02.11.2022
Oбуна бўлиш
Таъкидланишича, лойиҳа амалга оширилгач, Сергели, Бектемир ва Янгиҳаёт туманларидаги 400 мингдан ортиқ аҳоли, корхона ва ташкилотлар марказлашган оқова сув хизмати билан қамраб олинади.
ТОШКЕНТ, 2 ноя — Sputnik. Бирлашган Араб Амирликларининг “Abu Dhabi Sewerage Services” (ADSSC) компанияси Тошкент шаҳрининг оқова сув тизимини яхшилашда ёрдам беради.
Тошкентда “Ўзсувтаъминот” ва БАА компанияси ўртасида ўзаро ҳамкорлик тўғрисида меморандум имзоланди. Меморандумни уй-жой коммунал хизмат кўрсатиш вазирининг биринчи ўринбосари, "Ўзсувтаъминот" бошқаруви раиси Соҳиб Саифназаров ва ADSSC бош ижрочи директори Аҳмед Шамси имзоладилар.
У Тошкент шаҳрининг оқова сув тизимини яхшилаш лойиҳасини амалга ошириш кўзда тутади. Лойиҳа доирасида Тошкент вилоятининг Қуйичирчиқ тумани "Сурум" МФЙ ҳудудида кунлик қуввати 1 миллион метр кубдан зиёд бўлган замонавий оқова сув тозалаш иншооти қурилади.
Бу 3-оқова сув насос станцияси "Бектемир" ва "Бинокор" оқова сув тозалаш иншоотларига келаётган оқова сувларни ўзи оқар тарзда иншоотга қабул қилиш имкониятини беради. Бунинг натижасида суткасига жами 55,4 кВт электр энергияси тежалишига эришилади.
Таъкидланишича, янги оқова сув иншоотининг биринчи босқичи якунланганидан сўнг Сергели, Бектемир ва Янгиҳаёт туманларидаги 400 мингдан ортиқ аҳоли, корхона ва ташкилотлар марказлашган оқова сув хизмати билан қамраб олинади.
Лойиҳанинг амалга оширилиши бутуманлардаги санитария-эпидемиологик ҳамда экологик ҳолат янада яхшиланишига ҳам олиб келади.
Маълумот учун: “Abu Dhabi Sewerage Services”компанияси 2005 йилда Абу-Даби амирлигидаги барча турар-жой ва аҳоли пунктларидан оқова сувларни йиғиш ва тозалаш, шунингдек,хўжаликларнинг қаттиқ ва суюқ маиший чиқиндиларини хавфсиз утилизация қилиш мақсадида ташкил этилган.
Янгиликлар лентаси
0