Россия ва Ўзбекистон пул ўтказмаларини осонлаштириш устида ишламоқда – Марказий банк

© Sputnik / Зафар ХалиловТашкент. Центральный банк Узбекистана
Ташкент. Центральный банк Узбекистана - Sputnik Ўзбекистон, 1920, 03.11.2022
Oбуна бўлиш
Самарқандда II Халқаро иқтисодий форуми ўз ишини бошлади.
ТОШКЕНТ, 3 ноя — Sputnik. Ўзбекистон ва Россия россиялик сайёҳлар учун пул ўтказмаларини амалга ошириш шартларини енгиллаштириш устида ишламоқда. Бу ҳақда Ўзбекистон Марказий банки раиси Мамаризо Нурмуратов Самарқандда II Халқаро иқтисодий форумида маълум қилди, дея хабар бермоқда РИА Новости.
Нурмуратов форум чоғида Россиядан келган сайёҳлар учун нақд пулсиз тўловларни осонлаштириш бўйича таклифлар ишлаб чиқилиши мумкинлиги ҳақидаги саволга жавоб берар экан, “Бу иш трансчегаравий пул ўтказмалари ёки тезкор тўловлар йўналишида кетмоқда”, - дея қайд этди.
Марказий банк раҳбарининг таъкидлашича, томонлар россияликларга ўзбек миллий валютаси – сўмни ҳатто республикага келгунига қадар ҳам олиш имконини берадиган бундай механизмни ишлаб чиқиш имкониятларини ўрганмоқда.
Эслатиб ўтамиз, аввалроқ Давлат статистика қўмитаси январь-сентябрь ойларида Россиядан Ўзбекистонга келган сайёҳлар сони ўтган йилга нисбатан 2,1 баробарга ошиб, 395,1 минг кишини ташкил этганини маълум қилганди. Баҳордан бошлаб россиялик меҳмонлар оқими барқарор ўсиб бормоқда.
Янгиликлар лентаси
0