Шавкат Мирзиёев расмий ташриф билан Францияга боради

© Пресс-служба президента УзбекистанаПрезидент Узбекистана Шавкат Мирзиёев и президент Франции Эммануэль Макрон
Президент Узбекистана Шавкат Мирзиёев и президент Франции Эммануэль Макрон - Sputnik Ўзбекистон, 1920, 18.11.2022
Oбуна бўлиш
Президентнинг Францияга ташрифи доирасида парламент вакиллари ва ишбилармонлар билан учрашув, Париждан Ўзбекистон маданияти намуналари кўргазмаси ва бизнес форум бўлиб ўтади.
ТОШКЕНТ, 18 ноя - Sputnik. Ўзбекистон gрезиденти Шавкат Мирзиёев Франция gрезиденти Эммануэль Макроннинг таклифига биноан жорий йилнинг 21-22 ноябрь кунлари расмий ташриф билан ушбу мамлакатда бўлади.
Ташриф дастурида Париж шаҳрида олий даражадаги икки томонлама музокаралар, Франция Парламентининг қуйи палатаси – Миллий йиғинида учрашув ҳамда ушбу мамлакатнинг етакчи компания ва банклари раҳбарлари иштирокида ишбилармонлик тадбирларини ўтказиш кўзда тутилган.
Кун тартибидан конструктив сиёсий мулоқотни янада ривожлантириш, кўп қиррали ҳамкорликни кенгайтириш, энг аввало, иқтисодиётнинг турли тармоқларида инвестиция лойиҳаларини амалга ошириш, фаол гуманитар ва таълим алмашинувларини давом эттириш масалалари ўрин олган.
Саммит якунида ўндан ортиқ муҳим икки томонлама ҳужжатлар, шунингдек, инвестиция битимлари ва савдо шартномалари тўпламининг қабул қилиниши режалаштирилган.
Таъкидлаш жоизки, ташриф кунлари Франция пойтахтидаги жаҳонга машҳур Лувр музейи ва нуфузли Араб дунёси институтида Ўзбекистоннинг бой маданий ва тарихий меросига бағишланган кўргазма очилади.
Бундан ташқари, шу кунларда Парижда Франциянинг "MEDEF" тадбиркорлар ҳаракати кўмаги билан ташкил этилган Ўзбекистон - Франция бизнес форуми бўлиб ўтмоқда.
Маълумот учун, бу Шавкат Мирзиёвнинг Францияга амалга оширган иккинчи ташрифи бўлади. Президентлик лавозимида илк ташриф 2018 йилнинг 10 октябрида амалга оширилган эди.
Янгиликлар лентаси
0