Спорт

Қатардаги ЖЧда ФИФА мухлисларга нисбатан биринчи интизомий иш очди

© Unsplash / Md Mahdi Футбольный мяч
Футбольный мяч - Sputnik Ўзбекистон, 1920, 24.11.2022
Обуна бўлиш
НовостиTelegram
Ҳайқириқлар жаҳон чемпионати олдидан турнирда Эквадор ўрнини эгаллашни истаган Чили терма жамоасига қаратилган - тафсилотлар.
ТОШКЕНТ, 24 ноя — Sputnik. Халқаро футбол федерацияси (ФИФА) Қатарда бўлиб ўтган жаҳон чемпионатида Қатар терма жамоаси билан турнирнинг очилиш ўйини чоғида Эквадор терма жамоаси мухлисларининг камситувчи ҳайқириқлари сабабли биринчи интизомий иш очди. Бу ҳақда Associated Press хабар берди.
Эквадор терма жамоаси якшанба куни “Эль-Байт” стадионида Қатар терма жамоасини 2:0 ҳисобида мағлуб этди. Шундан сўнг, ФИФА мухлисларнинг ҳайқириқлари туфайли Эквадор терма жамоасига қарши айбловлар қўйди ва ўз тартиб-интизом кодексининг дискриминацияга оид бўлимига ишора қилди.
Агентлик хабарига кўра, бу ҳайқириқлар жаҳон чемпионати олдидан турнирда Эквадор ўрнини эгаллашни истаган Чили терма жамоасига қаратилган.
Қайд этилишича, эквадорлик мухлислар ҳам “Биз пиво истаймиз” деб ҳайқирган. Аввалроқ ФИФА ва ЖЧ-2022 ташкилотчилари жаҳон чемпионатининг барча стадионларида алкоголли пиво сотишни тақиқлаган эди.
Янгиликлар лентаси
0