Сиёсат

Декабрь бошида Тоқаевнинг Ўзбекистонга ташриф буюриши кутилмоқда

© Официальный сайт президента КазахстанаТокаев обсудил с Мирзиёевым торговые связи в свете обострения геополитической ситуации
Токаев обсудил с Мирзиёевым торговые связи в свете обострения геополитической ситуации - Sputnik Ўзбекистон, 1920, 24.11.2022
Обуна бўлиш
НовостиTelegram
Мирзиёев декабрь ойи бошида Қозоғистон президентининг Ўзбекистонга кутилаётган ташрифи давлатлараро муносабатларда янги даврни бошлаб беришига ишонч билдирди.
ТОШКЕНТ, 24 ноя — Sputnik. Декабрь ойи бошида Қозоғистон президенти Қасим-Жомарт Тоқаевнинг Ўзбекистонга ташрифи кутилмоқда. Бу ҳақда Қозоғистоннинг янги тайинланган элчиси Бейбут Атамкуловнинг Ўзбекистон президенти Шавкат Мирзиёевга ишонч ёрлиғини топшириш чоғида маълум қилинди.
“Қозоғистон асрлар давомида қалин дўст ва ён қўшнимиз, стратегик ҳамкор ва яқин иттифоқчимиздир. Сўнгги йилларда икки томонлама алоқаларнинг суръати юқори бўлиб келмоқда. Парламентлараро муносабатлар, ҳудудлар ўртасидаги ҳамкорлик изчил ривожланмоқда”, - деди Мирзиёев.
Қайд этилишича, устувор соҳаларда 3 миллиард 500 миллион долларлик инвестиция лойиҳалари амалга оширилмоқда. Ўзаро савдо ҳажми ҳам муттасил ўсиб бораяпти. Бу кўрсаткич йил бошидан буён 20 фоизга ортиб, 4 миллиард долларга яқинлашгани ҳам мамлакатлар салоҳияти нақадар катта эканини кўрсатади.
Яқинда Қозоғистонда бўлиб ўтган Ўзбекистон маданияти кунлари ҳам икки қардош элни янада яқинлаштиришга хизмат қилди.
“Декабрь ойи бошида Қозоғистон президентининг Ўзбекистонга кутилаётган ташрифи давлатлараро муносабатларда янги даврни бошлаб беришига ишонч билдирилди”, - дейилган хабарда.
Эслатиб ўтамиз, 20 ноябрь куни Қозоғистонда навбатдан ташқари президент сайлови бўлиб ўтди. Унда амалдаги президент Қосим-Жомарт Тоқаев сайловчиларнинг 81,31 фоиз овозини тўплаб, ғалаба қозонди. Қозоғистон президентининг инаугурацияси 26 ноябрь куни бўлиб ўтади.
Янгиликлар лентаси
0