Ахборот-коммуникация технологиялари соҳаси ходимлари учун мукофотлар жорий этилди

© Sputnik / Максим Богодвид / Медиабанкка ўтишДата-центр IT-парка в Казани
Дата-центр IT-парка в Казани - Sputnik Ўзбекистон, 1920, 30.11.2022
Oбуна бўлиш
“Моҳир алоқачи” кўкрак нишони ва “Ўз касбининг устаси” белгиси алоқа соҳаси ходимларининг касб байрами арафасида топширилади.
ТОШКЕНТ, 30 ноя — Sputnik. Вазирлар Маҳкамаси қарори билан ахборот-коммуникация технологиялари соҳасида “Моҳир алоқачи” кўкрак нишони ва “Ўз касбининг устаси” белгиси таъсис этилди. Бу ҳақда “Huquqiy axborot” Telegram каналида хабар қилинди.
Қарорга кўра:
“Моҳир алоқачи” кўкрак нишони билан – ахборот технологиялари ва коммуникациялари соҳасини ривожлантиришга катта ҳисса қўшган ҳамда соҳада камида 15 йил меҳнат стажига эга фуқаролар;
“Ўз касбининг устаси” белгиси билан – ахборот технологиялари ва коммуникациялари соҳасида фаолият кўрсатаётган муҳандис, электромонтёр, кабелчи, почтачи, антенначи-мачтачи, оператор, фельдъегер каби оммавий касб эгалари соҳани ривожлантиришга қўшган муносиб ҳиссаси учун тақдирланади.
Ахборот технологиялари ва коммуникацияларини ривожлантириш вазирлиги тизимидаги ташкилотлар кўкрак нишони ҳамда “Ўз касбининг устаси” белгиси билан тақдирлаш бўйича таклифларни ҳар йили 1 апрелгача вазирликка тақдим этади.
Кўкрак нишони ҳамда “Ўз касбининг устаси” белгиси ҳар йили 7 май – алоқа соҳаси ходимларининг касб байрами арафасида топширилади.
Тақдирланганларга БҲМнинг 4,5 баравари (1 млн 350 минг сўм) миқдорида бирйўла тўланадиган пул мукофоти берилади.
Мазкур кўкрак нишони ва белги билан бир шахс бир марта мукофотланади.
Янгиликлар лентаси
0