Омскдан учган самолёт туман сабаб Наманганга қўна олмади

© Uzbekistan airportsҚуюқ туман Фарғона водийсидаги аэропортлар фаолиятини чеклаб қўйди
Қуюқ туман Фарғона водийсидаги аэропортлар фаолиятини чеклаб қўйди - Sputnik Ўзбекистон, 1920, 13.12.2022
Oбуна бўлиш
“Uzbekistan Airways” самолёти ноқулай об-ҳаво сабаб бошқа аэропортга йўналтирилди.
ТОШКЕНТ, 13 дек — Sputnik. Бугун эрталаб Омскдан (Россия) Ўзбекистон шарқидаги Наманганга учган “Uzbekistan Airways” авиакомпанияси рейси туман туфайли Тошкентга йўналтирилди. Бу ҳақда РИА Новости агентлиги Ўзбекистон пойтахти аэропорти вакилига таяниб, хабар берди.
“Uzbekistan Airways” авиакомпаниясининг HY-9810 Омск-Наманган рейси аэропортдаги қуюқ туман туфайли Тошкентга йўналтирилди”, - дейди манба.
Унинг аниқлик киритишича, лайнернинг қўниши нормал режимда амалга оширилган. Ҳозир ҳаво шароити имкон берса, самолёт Наманганга учишга ҳозирланмоқда.
“Uzbekistan Airports” АЖ матбуот хизматининг маълум қилишича, фақатгина Омскдан келган рейс Наманган аэропортига қўна олмай бошқа аэродромга йўналтирилмаган.
Намангандаги метеорологик сабабларга кўра ҳаво кемаларини халқаро аэропортга қабул қилиш ва жўнатиш вақтинча тўхтатиб қўйилган.
Хусусан, “Jazeera Airways” авиакомпаниясининг Қувайтдан Наманганга йўл олган J9645 рейси Қирғизистонга йўналтирилган. Самолёт Бишкек аэропортига маҳаллий вақт билан соат 09:31 да қўнган.
“Uzbekistan Airways” авиакомпаниясининг соат 05:50 га белгиланган HY9825 (Наманган – Сочи) рейсининг учиши эса кечиктирилган. Самолёт Наманган аэропортида об-ҳаво шароити яхшиланишини кутмоқда, шундан сўнг у белгиланган манзилга учиб кетади.
Дубайдан маҳаллий вақт билан соат 01:20 да учиб келиши керак бўлган “Flydubai” авиакомпаниясининг FZ781/782 йўловчи рейси Намангандаги ноқулай об-ҳаво шароити туфайли учиш аэропортида об-ҳаво шароити яхшиланишини кутмоқда.
“Наманган аэропортида об-ҳаво шароити аста-секин яхшиланмоқда. Аэропорт яқин бир неча соат ичида самолётларни қабул қилиш ва жўнатишга қўйилган чекловларни бекор қилиши мумкин”, - дейилади компания хабарида.
Эслатиб ўтамиз, 12 декабрь куни Москвадан Қаршига учган самолёт қуюқ туман сабаб Самарқанд аэропортига қўндирилганди.
Янгиликлар лентаси
0