Шаҳзода Гарри акаси Уильям билан муштлашганини маълум қилди – ОАВ

© AP Photo / Matt DunhamКоролева Великобритании Елизавета II, Меган, герцогиня Сассекская, принц Гарри, принц Уильям и Кейт, герцогиня Кембриджская
Королева Великобритании Елизавета II, Меган, герцогиня Сассекская, принц Гарри, принц Уильям и Кейт, герцогиня Кембриджская - Sputnik Ўзбекистон, 1920, 05.01.2023
Oбуна бўлиш
Aйтилишича, воқеа 2019 йилда Лондонда содир бўлган, ака-ука ўртасида жанжал Гаррининг рафиқаси, америкалик актриса Меган Маркл туфайли келиб чиққан.
ТОШКЕНТ, 5 янв — Sputnik. Буюк Британия шаҳзодаси Гарри ўзининг автобиографик китобида акаси, тахт вориси шаҳзода Уильям томонидан “жисмоний ҳужумга учраганини” маълум қилди.
Aйтилишича, воқеа 2019 йилда Лондонда содир бўлган, ака-ука ўртасида жанжал Гаррининг рафиқаси, америкалик актриса Меган Маркл туфайли келиб чиққан.
Шаҳзоданинг ёзишича, Уильям у билан ака-ука муносабатларидаги “фалокат” ва матбуотдаги қироллик оиласи билан жанжалларни муҳокама қилиш учун келган. Уильямнинг Марклга нисбатан шикояти даставвал ака-ука ўртасидаги оғзаки жанжалга сабаб бўлган, улар бир-бирини ҳақорат қилган. Ўз навбатида, Гарри акаси томонидан қўллаб-қувватланмаганидан шикоят қилган. Бунга жавобан “ғазабланган Уильям” унга ҳужум қилган.
“Ҳаммаси жуда тез содир бўлди. У ёқамдан ушлаб, маржонимни юлиб ташлади ва полга итариб юборди. Мен ит косасига йиқилдим, у ёрилиб кетди, парчалари менга санчилди. Бир муддат карахт ҳолатда ётдим, кейин ўрнимдан турдим ва унга чиқиб кетишини айтдим”, дея шаҳзоданинг китобидан парча келтирилган.
Шундан сўнг, Гаррининг сўзларига кўра, Уильям ундан кечирим сўраган. Кейинчалик Гаррининг рафиқаси унинг орқа томонидаги “тирналган ва кўкарганларни” пайқаган ва шаҳзоданинг акасининг ҳужуми ҳақидаги ҳикояси уни “жуда хафа қилган”.
Қайд этилишича, Гаррининг мемуарлари келаси ҳафтада нашр этилади ва улар “Британия қироллик оиласида ғазабга сабаб бўлиши мумкин”.
Шаҳзода Гарри ва Меган Маркл қарийб уч йил олдин қироллик оиласи билан тўқнаш келганидан сўнг, қироллик вазифаларини бажаришдан бош тортиб, Буюк Британияни тарк этди. 2021 йил март ойида жуфтлик Опра Уинфрига шов-шувли интервью берди, унда улар қариндошларини бефарқлик, доимий босим ва ҳатто ирқчиликда айблади. Ўшандан бери эр-хотин ва қироллик саройи ўртасидаги муносабатлар кескинлигича қолди.
Янгиликлар лентаси
0