Хитойда карантин чекловлари юмшатилганидан сўнг жаҳонда нефть нархи кўтарила бошлади

© Sputnik / Максим Богодвид / Медиабанкка ўтишНефтяная качалка, иллюстративное фото
Нефтяная качалка, иллюстративное фото - Sputnik Ўзбекистон, 1920, 09.01.2023
Oбуна бўлиш
Хитой хорижлик сайёҳлар учун сўнгги 3 йил амалда бўлган карантинни бекор қилди. Бу эса нефть бозорида нархларнинг ўсишига олиб келмоқда.
ТОШКЕНТ, 9 янв — Sputnik. Хитойда коронавирусга қарши чоралар юмшатилгандан сўнг жаҳонда нефть нархи кўтарила бошлади. Бу ҳақда РИА Новости хабар берди.
Қайд этилишича, бугун Москва вақти билан соат 7:51 ҳолатига кўра, Брент маркали нефтнинг март фючерслари нархи 1,27 фоизга ошиб, бир баррел учун 79,57 долларни ташкил қилмоқда. Шунингдек, WTI февраль фючерслари 1,38 фоизга ўсди ва 74,79 долларни қайд этди.
Хитой ҳукумати ўтган йилнинг декабрь ойидан буён коронавирус инфекциясига қарши кураш чораларини босқичма-босқич юмшата бошлаган эди. Кеча Хитой хорижлик сайёҳлар учун сўнгги 3 йил амалда бўлган карантинни бекор қилди.
Унга кўра, мамлакатга парвоз қилишдан 48 соат олдин COVID-19 учун ПЗР тестини топшириш ва саломатлик тўғрисидаги декларацияни тўлдиришда тест натижаларини маълум қилиш етарли бўлади.
Тест натижаси манфий чиққанлар Хитой дипломатик ваколатхоналаридан “соғлиқни сақлаш коди”ни сўраши шарт эмас, мусбат натижа берганларга эса, тузалиб кетгунга қадар саёҳатларини кечиктириш тавсия этилади.
Бунинг ортидан нефт бозорида нархлар 1% дан ортиқ ошгани кузатилмоқда, чунки ёқилғига талабнинг ошишига умидлар қайта тикланган.
Янгиликлар лентаси
0