Ўзбекистон аэропортларига кутиб олувчиларнинг киришига рухсат берилди

© Uzbekistan AirportsС 14 января все встречающие в аэропортах Узбекистана могут попасть в залы прилёта
С 14 января все встречающие в аэропортах Узбекистана могут попасть в залы прилёта - Sputnik Ўзбекистон, 1920, 15.01.2023
Oбуна бўлиш
Илгари кутиб олувчиларни бинога киритиш аэропортларда фаолият юритувчи бир қатор тузилмаларнинг ҳужжатлари билан чекланган эди.
ТОШКЕНТ, 15 янв — Sputnik. Аномал совуқлар муносабати билан Ўзбекистон аэропортлари биносига кутиб олувчиларнинг киритилишига рухсат берилди. Бу ҳақда “Uzbekistan Airports” хабар берди.
Илгари кутиб олувчиларни бинога киритиш аэропортларда фаолият юритувчи бир қатор тузилмаларнинг ҳужжатлари билан чекланган эди. Энди барча кутиб олувчилар учиб келиш залларига кириб, терминал ичида божхона ҳудудигача бўлган жойда учиб келаётган йўловчиларни кутишлари мумкин бўлади.
“Uzbekistan Airports” АЖ бошқаруви раиси Раъно Жўраеванинг сўзларига кўра, одамлар иссиқда ва совуқда ташқарида туришган ва хавфсизлик нуқтаи назаридан ва бошқа бир қатор сабабларга кўра уларни ичкарига киритиш тақиқланган. 2018 йилда қурилган учиб келиш зали ҳам халқаро стандартларга жавоб бермайди, унда кутиб олувчилар учун жой ажратилмаган.
© Uzbekistan AirportsС 14 января все встречающие в аэропортах Узбекистана могут попасть в залы прилёта
С 14 января все встречающие в аэропортах Узбекистана могут попасть в залы прилёта - Sputnik Ўзбекистон, 1920, 15.01.2023
С 14 января все встречающие в аэропортах Узбекистана могут попасть в залы прилёта
“Унинг устига зал жуда кичкина. Биз ҳозирда бинонинг олд қисмини суриш орқали зал майдонини кўпайтириш лойиҳасини ишлаб чиқмоқдамиз, бу эрда кутиб олувчилар учун шароит яратиш мумкин бўлади. Жараён, зал атрофида кўплаб коммуникациялар ўрнатилганлиги сабабли мураккаблашмоқда. Ҳар сафар, биз мавжуд аэропортни қайта қуриш, кенгайтириш, қулайроқ қилиш учун ҳаракат қилишга қўл урганимизда, пойтахтимизга янги аэропорт қуриш керак эканлигига ишонч ҳосил қилмоқдамиз. Аммо, аэропортлар бир кунда бунёд этилмаслигини ҳисобга олиб, имкон қадар мавжуд аэропортни реконструкция қилмоқдамиз”, — дейди у.
Таъкидланишича, аномал совуқлар шароитида аэропорт хизматлари парвозлар хавфсизлигига эътиборни кучайтирмоқда. Ноқулай об-ҳаво шароитлари - совуқ ҳаво ҳарорати, қор ёғиши - парвозлар хавфсизлигини таъминлаш учун самолётларни музга қарши суюқлик билан ишлов бериш жараёнини назарда тутади. Бу жараён одатда ҳар бир самолёт учун тахминан 30 дақиқа давом этсада, ҳозирги пайтда ҳар бир самолётга ишлов бериш 1 соатдан 1,5 соатгача вақт олмоқда.
Бу рейсларнинг кечикишига олиб келди. Дунёнинг қатор мамлакатларида бундай об-ҳаво шароитлари туфайли аэропортларни ёпиш амалиёти мавжуд. Аммо Ўзбекистон аэропортлари йўловчиларни жадвалдаги ўзгаришлар ҳақида хабардор қилган ҳолда ишлашга қарор қилган.
Маълум қилинишича, мамлакат аэропортлари мураккаб об-ҳаво шароитида учиш ва қўниш операцияларини барқарор амалга ошириш учун етарли ресурсларга эга. Гап нафақат машиналар, балки халқаро тажрибага эга малакали кадрлар ҳақида ҳам бормоқда. Йўловчи оқими бўйича энг гавжум аэропорт, бу Тошкент аэропортидир – у ерда кунига юздан ортиқ рейслар амалга оширилади. "Handling" компанияси ва аэродром хизмати об-ҳаво шароитининг ёмонлашиши арафасида барча захира кучларини жамлашга муваффақ бўлишди.
"Жумладан, 10 январь куни соат 00:00 дан 23:59 га қадар Ўзбекистон халқаро аэропортлари томонидан 152 та рейсга хизмат кўрсатилган бўлса, шундан 93 таси Тошкент аэропортида амалга оширилган. Ҳар бир самолётга ишлов бериш учун бир соатдан кўпроқ вақт кетганини ва барча махсус техникалар парки, шундай совуқда аэродромда ишлаган ҳодимларни ҳисобга олмаганда, учиш-қўниш йўлаги ва юриш йўлакларини тозалашга чиққанини ҳисобга олсак, бу жуда юқори кўрсаткич”, - деб қўшимча қилди Раъно Жўраева.
Янгиликлар лентаси
0