Махсус операция: 25 январнинг асосий воқеалари
21:21 25.01.2023 (янгиланди: 18:43 05.04.2023)
© Sputnik / Алексей Куденко
/ Oбуна бўлиш
Россия Қуролли кучлари махсус ҳарбий операцияни муваффақиятли давом эттирмоқда.
ТОШКЕНТ, 25 янв — Sputnik. Россия Украинада олиб бораётган махсус ҳарбий операциянинг ўтган сутка давомида содир бўлган асосий воқеалари.
Россия Мудофаа вазирлиги баёноти:
Купянск йўналишида Харьков вилоятининг Масютовка, Купянск, Гряниковка, шунингдек, ЛХРнинг Новоселовское аҳоли пунктларида жойлашган УҚКнинг 14 ва 92-механизациялашган бригадалари бўлинмаларига артиллерия ва авиация зарбалари берилди. Шунингдек, Харьков вилоятининг Ольшана, Берестовое ва ЛХРнинг Новоселовское аҳоли пунктларида УҚКнинг еттита қўпорувчи разведка гуруҳининг ҳаракатларининг олди олинди. Бир суткада бу йўналишда 90 нафардан зиёд украин ҳарбийлари, 3 та зирҳли машина, автомобиль ва 2 та Германияда ишлаб чиқарилган “Panzerhaubitze 2000” ўзиюрар гаубицаси йўқ қилинди.
Красно-Лиманский йўналишида ЛХРнинг Стельмаховка, ДХРнинг Серебрянкава ва Ямполовка аҳоли пунктларида УҚКнинг 92-механизациялашган бригадаси бўлинмалари 95-ҳаво ҳужуми бригадалари ва 125-ҳудудий мудофаа бригадасига зарбалар берилди. натижада 20 нафардан зиёд украин ҳарбийлари, 3 та зирҳли жанговар машина ҳамда 4 та ўзиюрар гаубица йўқ қилинди: Германияда ишлаб чиқилган "Panzerhaubitze 2000", Польшада ишлаб чиқилган "Krab" ҳамда "Мста-С" ва "Гвоздика".
Донецк йўналишида муваққиятли ҳужумкор ҳаракатлар давом эттирилди ва ДХРнинг Зализнянское, Дубово-Василевка, Северск ва Победа аҳоли пунктларида душманга зарба берилди. Шунингдек, ДХРнинг Разлив ва Константиновка аҳоли пунктларидаги УҚКнинг 2 та ўқ-дори омбори йўқ қилинди. Бу йўналишда душман бир суткада 60 нафаргача йўқотишларига дуч келди. Қолаверса, зирҳли машина, 2 та пикап ва “Мста-Б” гаубицаси яксон қилинди.
Запорожье йўналишидаги ҳужум операциялари чоғида Шарқий ҳарбий округ бўлинмалари янада қулай мудофаа чизиқлари ва позицияларни эгаллаб олишди. Бир суткада 60 нафар украин ҳарбийлари, 23 та танк, 2 та зирҳли жанговар машина, автомобиль ва Д-20 гаубицаси йўқ қилинди.
Херсон йўналишида Херсон вилоятининг Днепряна аҳоли пункти ҳудудида душманнинг қўпорувчи разведка гуруҳининг Днепр дарёсининг чап қирғоғига ўтишга бўлган уринишининг олди олинди. Шунингдек, Николаевкада душманнинг Днепрнинг ўнг қирғоғидаги захиралари йўқ қилинди. 30 нафаргача украин ҳарбийлари, 3 та қайиқ ва 2 та пиёданинг жанговар машинаси йўқ қилинди.
Россия Космик-ҳаво кучлари ДХРнинг Славянск шаҳри ҳудудида Украинанинг Су-27 самолётини уриб туширди. Запорожье вилоятининг Новодаровка аҳоли пункти ҳудудида Украина ҳаво кучларининг Ми-8 вертолёти уриб туширилди. Шунингдек, бир сутка давомида 4 та украин учувчисиз учар қурилмаси йўқ қилинди. Қолаверса, Запорожье вилоятининг Пологи ва Тарасовка аҳоли пунктлари ҳудудида HIMARS залп билан ўт очувчи тизимининг 4 та реактив снаряди тутиб қолинди.
Махсус ҳарбий операция бошлангандан бери Украинанинг жами 377 та самолёт, 204 та вертолёт, 2948 та учувчисиз учар қурилма, 402 та зенит-ракета тизими, 7627 та танк ва бошқа зирҳли жанговар машиналари, 988 та залп билан ўт очувчи тизимнинг жанговар реактив машинаси, 3906 та дала артиллерия қуроллари ва миномётлари, шунингдек, 8171 дона махсус ҳарбий машиналари йўқ қилинди.
