Марказий банк асосий ставкани йиллик 15 фоиз даражасида сақлаб қолди

© Sputnik / Зафар ХалиловТашкент. Центральный банк Узбекистана
Ташкент. Центральный банк Узбекистана - Sputnik Ўзбекистон, 1920, 26.01.2023
Oбуна бўлиш
Бугун банк бошқаруви йиғилишида шундай қарор қабул қилинди.
ТОШКЕНТ, 26 янв — Sputnik. Ўзбекистон Марказий банки бошқаруви асосий ставкани йиллик 15 фоиз даражасида сақлаб қолди. Бу ҳақда Марказий банк матбуот хизмати хабар берди.
Қайд этилишича, бугун банк бошқаруви йиғилишида шундай қарор қабул қилинган.

“Асосий ставканинг жорий даражаси иқтисодиётда нисбатан қатъий пул-кредит шароитларини сақлаб қолиш учун етарли, деб баҳоланмоқда. Иқтисодий вазиятнинг ривожланиб бориши ва фискал сиёсат хусусиятидан келиб чиқиб, келгуси чоракларда талаб ва таклифни мувозанатлаштириш учун қўшимча чоралар кўриш зарурати юзага келиши мумкин”, - дейилади хабарда.

Таъкидланишича, 2022 йил якуни бўйича ЯИМ ўсиши Марказий банкнинг октябрь ойидаги прогнозларига мос бўлиб, 5,7 фоизни ташкил этган.
Марказий банк бошқарувининг асосий ставкани кўриб чиқиш бўйича навбатдаги йиғилиши 2023 йил 16 мартга белгиланган.
Охирги марта Марказий банк ўтган йил июлдаги йиғилишда асосий ставкани йиллик 16 фоиздан 15 фоизгача пасайтирганди. Шундай кейин асосий ставка ўзгаришсиз қолдирилмоқда.
Янгиликлар лентаси
0