Ўзбекистон Россия билан трансафғон йўлагидан фойдаланишни муҳокама қилмоқда

© Sputnik / Евгений ЕпанчинцевТоварные поезда с углем
Товарные поезда с углем - Sputnik Ўзбекистон, 1920, 31.01.2023
Oбуна бўлиш
Учрашув иштирокчилари 2023 йилда янги транспорт-транзит йўлакларини ривожлантириш масалаларини муҳокама қилишни давом эттиришга келишиб олди.
ТОШКЕНТ, 31 янв — Sputnik. Ўзбекистон ва Россия транспорт идоралари Aфғонистон орқали Жануби-Шарқий ва Жанубий Осиё мамлакатларига муқобил транспорт йўлагидан фойдаланишни муҳокама қилмоқда, дея ёзади РИА Новости Ўзбекистон Транспорт вазирлиги матбуот хизматига таянган ҳолда.
Таъкидланишича, Ўзбекистон ва Россия транспорт идоралари вакиллари Тошкентда халқаро юк ташиш ҳажмини ошириш учун янги логистика транспорт йўлакларини шакллантириш вариантларини муҳокама қилган.

“Томонлар Россия Федерациясини Жануби-Шарқий ва Жанубий Осиё билан боғлайдиган “Россия-Қозоғистон-Ўзбекистон-Афғонистон-Покистон” муқобил мультимодал транспорт-транзит йўлаги салоҳияти юзасидан фикр алмашди”, - дейилади хабарда.

Учрашув иштирокчилари 2023 йилда янги транспорт-транзит йўлакларини ривожлантириш масалаларини муҳокама қилишни давом эттиришга келишиб олди, шунингдек, икки томонлама ҳамкорликни чуқурлаштириш ва кенгайтиришнинг кейинги йўлларини белгилаб олди.
Учрашув якунлари бўйича Россия транспорт вазирлигининг “Халқаро транспорт йўлаклари дирекцияси” автоном нотижорат ташкилоти ва Ўзбекистон идораси қошидаги транспорт ва логистика ривожи муаммоларини ўрганиш маркази ўртасида ҳамкорлик меморандуми имзоланган.
Янгиликлар лентаси
0