Тошкент ҳайвонот боғидаги жониворларга қандай ўйинчоқларни совға қилиш мумкин - видео
07:00 01.02.2023 (янгиланди: 10:37 01.02.2023)
© Тошкент ҳайвонот боғи
Oбуна бўлиш
Тошкент ҳайвонот боғидаги жониворлар қандай турдаги ўйинчоқларни ёқтириши ҳақида материалимизда ўқинг.
ТОШКЕНТ, 1 фев — Sputnik. Тошкент ҳайвонот боғидаги жониворлар ўзлари учун аталган янги ўйинчоқларга доим хурсанд бўлишади. Бу ҳақда боғ маъмурияти маълум қилди.
Таъкидланишича, боғдаги жониворларга бахт улашмоқчи бўлган ташриф буюрувчилар, ўзлари билан ўйинчоқлар ва кўнгилочар буюмларни олиб келишлари мумкин.
“Ўйинлар жониворларнинг жисмоний ҳолатини сақлашда, табиий қобилиятларини ривожлантиришда муҳим аҳамият касб этади ва албатта зерикиб қолмасликларига ёрдам беради”, - дейилади хабарда.
Ҳайвонот боғига топшириш мумкин бўлган ўйинчоқлар:
зоодўконлардан мушукчалар ва кучукчалар, майда ва йирик тўтиқушлар учун турли ўлчамдаги ўйинчоқлар;
спорт анжомлари: пишиқ коптоклар, ҳалқалар, кегли ва бошқалар;
скейтлар, боулинг шарлари. (ишлатилган бўлса ҳам);
канистрлар, пластик конуслар ва бочкалар;
чирмашиб чиқиш ва ястаниб ётиш учун катта ўлчамдаги ғалтаклар ва симли дўмбиралар;
бақувват арқон ёки ёғоч бўлакларидан ясалган осма беланчаклар;
табиий материаллардан ясалган арқонлар;
йирик темир занжирлар;
турли диаметрдаги ёнғинга қарши шланглар ва пластик қувурлар;
шланглар ва арқонлардан тўқилган ўйинчоқлар.
Ҳайвонлар ҳаётига хурсандчилик олиб киришни истаган ташриф буюрувчилардан ҳар қандай ёрдам мамнуният билан қабул қилинади.
