Россия бош онкологи Андрей Каприн Тошкентга келди

© Sputnik / Нина ЗотинаГенеральный директор НМИЦ радиологии Министерства здравоохранения Российской Федерации Андрей Каприн
Генеральный директор НМИЦ радиологии Министерства здравоохранения Российской Федерации Андрей Каприн - Sputnik Ўзбекистон, 1920, 06.02.2023
Oбуна бўлиш
Ташриф доирасида Каприн Ўзбекистон Республикаси Фанлар академияси президенти Беҳзод Йўлдошев ва ядро тиббиёти соҳасидаги муассасалар вакиллари билан учрашди.
ТОШКЕНТ, 6 фев — Sputnik. Бугун Тошкентга Россия Соғлиқни сақлаш вазирлигининг бош онкологи, П.А. Герцен номидаги Москва онкология илмий-тадқиқот институти директори, академик Андрей Каприн келди. Бу ҳақда Sputnik мухбири хабар бермоқда.
Ташриф доирасида Каприн Ўзбекистон Республикаси Фанлар академияси президенти Беҳзод Йўлдошев ва ядро тиббиёти соҳасидаги муассасалар вакиллари билан учрашди.
Бундан ташқари, у Республика ихтисослаштирилган онкология ва радиология илмий-амалий тиббиёт маркази, Иммунология ва инсон геномикаси институтида бўлиб, шифокорлар ва талабалар билан учрашади.
Андрей Каприннинг мутахассислиги сийдик пуфаги, буйраклар ва простата касалликларини жарроҳлик йўли билан даволаш. Шунингдек, у МДҲ ва Евроосиё давлатларининг Онкология ва рентген радиологияси директорлари ва институтлари ассоциацияси президенти.
Кўп йиллик меҳнати туфайли Каприн 450 та мақоланинг ҳаммуаллифи бўлган, 3 та монография ва 4 та дарслик нашр эттирган. Россия соғлиқни сақлаш соҳасини ривожлантиришга қўшган катта ҳиссаси учун у давлат мукофотлари билан тақдирланган.
Маълумот учун, 2021 йилда Республика ихтисослаштирилган онкология ва радиология илмий-амалий тиббиёт марказида россиялик етакчи онколог билан биргаликда тос бўшлиғини индивидуал эндопротез ёрдамида реконструкция қилиш бўйича мураккаб жарроҳлик операцияси ўтказилган эди.
Янгиликлар лентаси
0