ТОШКЕНТ, 15 ноя — Sputnik. Жорий йилнинг 12-16 ноябр кунлари Туркманистонда Ўзбекистон маданияти кунлари ўтказилади, шу муносабат билан Ўзбекистон маданият ва санъат оламининг 60 дан зиёд вакилларидан иборат делегация Туркманистонга жўнаб кетди, деб хабар қилди "Ўзбеккино" миллий агентлиги матбуот-хизмати.
Делегация аъзолари қўшни республиканинг Ашхабод ва Дашоуз шаҳарларида бўлиб ўтадиган қатор расмий ва маданий тадбирларда қатнашадилар.
Жумладан, маданият кунлари дастуридан Туркманистон маданият вазирлигида учрашув, Туркманистон давлат миллий музейи ва туркман гиламлари миллий музейига ташриф, ўзбек — туркман зиёлилари учрашуви, ўзбек санъати усталарининг концерти ҳамда маданият кунларининг тантанали очилиш ва ёпилиш маросимлари ўрин олган.